കരുനാഗപ്പള്ളി : സ്കൂൾ വിദ്യാർത്ഥിനിയെ പീഡിപ്പിച്ച കേസിൽ യുവാവ് അറസ്റ്റിൽ. ഇടുക്കി ഉടുമ്പൻ ചോല
ചോറ്റുപാറയിൽ ബ്ലോക്ക് നമ്പർ 570 ൽ ഹരികൃഷ്ണൻ (20) ആണ് പിടിയിലായത്. ഇടുക്കി സ്വദേശിനിയും കരുനാഗപ്പള്ളി സ്വകാര്യ സ്കൂളിലെ വിദ്യാർത്ഥിനിയുമായ പെൺകുട്ടിയെയാണ് പീഡിപ്പിച്ചത്.
സമൂഹ മാദ്ധ്യമങ്ങളിലും മറ്റും ഫോട്ടോയും വീഡിയോകളും പ്രചരിപ്പിക്കും എന്ന്
ഭീഷണിപ്പെടുത്തി പീഡനം തുടർന്നു. സംഭവത്തിന് ശേഷം ഒളിവിൽ പോയ പ്രതിയെ ഇടുക്കി നെടുങ്കണ്ടത്തു നിന്നുമാണ് കരുനാഗപ്പള്ളി പൊലീസ് കസ്റ്റഡിയിലെടുത്തത്.
കരുനാഗപ്പള്ളി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു . കരുനാഗപ്പള്ളി
ഇൻസ്പെക്ടർ എ.ജയകുമാർ,എസ്.ഐ സുജാതൻപിള്ള, രാജേന്ദ്രൻ പിള്ള, എ.എസ്. ഐ
വേണുഗോപാൽ, സി. പി .ഓ മാരായ രജീഷ് ,ബഷീർഖാൻ എന്നിവരുടെ നേതൃത്വത്തിലായിരുന്നു
പ്രതിയെ കസ്റ്റഡിലെടുത്തത്