കൊല്ലം: കൊല്ലം - പുനലൂർ പാതയിലൂടെ ആദ്യ ശബരിമല സ്പെഷ്യൽ ട്രെയിൻ തിങ്കളാഴ്ച ഓടിത്തുടങ്ങും. ജനുവരി 2 വരെയാണ് സർവീസ്. എറണാകുളം- ചെന്നൈ താംബരം ശബരിമല സ്പെഷ്യൽ തിങ്കളാഴ്ച തോറും ഉച്ചക്ക് 1.10ന് എറണാകുളത്ത് നിന്ന് പുറപ്പെടും. വൈകുന്നേരം 4.30ന് കൊല്ലത്തും 5.12ന് കൊട്ടാരക്കരയിലും 5.40ന് പുനലൂരിലും എത്തും. അടുത്ത ദിവസം ഉച്ചയ്ക്ക് 12ന് താംബരത്ത് എത്തിച്ചേരും.

ചൊവ്വാഴ്ചകളിൽ ഉച്ചയ്ക്ക് 3.40ന് താംബരത്ത് നിന്ന് പുറപ്പെട്ട് ബുധനാഴ്ച ഉച്ചക്ക് 12ന് എറണാകുളത്ത് എത്തും. ബുധനാഴ്ചകളിൽ രാവിലെ 6.50ന് പുനലൂരിലും 7.25ന് കൊട്ടാരക്കരയിലും 8.15ന് കൊല്ലത്തും ട്രെയിനെത്തും. ട്രെയിനിൽ വരുന്നവർക്ക് പുനലൂരിൽ നിന്നും കൊട്ടാരക്കരയിൽ നിന്നും കെ.എസ്.ആർ.ടി.സിയുടെ പമ്പ സ്പെഷ്യൽ സർവീസുകൾ ഉണ്ടാവും.

സ്റ്റോപ്പുകൾ
എറണാകുളം, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട, കൊല്ലം, കുണ്ടറ, കൊട്ടാരക്കര, ആവണീശ്വരം, പുനലൂർ, തെന്മല, ചെങ്കോട്ട, തെങ്കാശി, കടയനല്ലൂർ, ശങ്കരൻകോവിൽ, രാജപാളയം, ശിവകാശി, വിരുദനഗർ, മധുര, ദിണ്ടികൽ, തിരുച്ചിറപ്പള്ളി, തഞ്ചാവൂർ, കുംഭകോണം, മയിലാട് തുറൈ, ചിദംബരം, തിരുപ്പട്രിപ്പുലിയൂർ, വില്ല്പുരം, ചെങ്കൽപ്പെട്ട്.