കൊട്ടിയം: പള്ളിമുക്ക് ഫാത്തിമ മെമ്മോറിയൽ ട്രെയിനിംഗ് കോളേജിൽ നടന്ന എൻ.എസ്.എസ് യൂണിറ്റ് ഉദ്ഘാടനം വടക്കേവിള ശ്രീനാരായണ കോളേജ് ഒഫ് ടെക്നോളജി പ്രിൻസിപ്പൽ ഡോ.സി.അനിത ശങ്കർ നിർവഹിച്ചു. ഫാത്തിമ മെമ്മോറിയൽ എഡ്യുക്കേഷണൽ ട്രസ്റ്റ് വൈസ് ചെയർമാൻ വൈ.നൗഷാദ് യൂനുസ് അദ്ധ്യക്ഷനായി. കോളേജ് പ്രിൻസിപ്പൽ ഡോ.എൻ.അനിത, വൈസ് പ്രിൻസിപ്പൽ ഡോ.കെ.എസ്.മിനി, പി.ടി.എ പ്രസിഡന്റ് പട്ടത്താനം സുനിൽ, എൻ.എസ്.എസ് പ്രോഗ്രാം കോ ഓർഡിനേറ്റർ എസ്.പ്രമോദ്, ആർ.അൽഫിയ, ബി.ആർ.റെജിലാൽ എന്നിവർ സംസാരിച്ചു.