തൃശൂർ: തിരിച്ചെത്തിയ പ്രവാസികൾക്കായി നോർക്കയുടെ ആഭിമുഖ്യത്തിൽ കാനറ ബാങ്കിന്റെ സഹകരണത്തോടെ തിരുവനന്തപുരം, കൊല്ലം, തൃശൂർ, പാലക്കാട് ജില്ലകളിൽ ലോൺമേള സംഘടിപ്പിക്കുന്നു. 10,11 തീയതികളിൽ കാനറ ബാങ്ക് റീജ്യണൽ ഓഫീസുകളിലാണ് മേള. രണ്ട് വർഷത്തിൽ കൂടുതൽ വിദേശത്ത് തൊഴിൽ ചെയ്ത് മടങ്ങി വന്നവർക്ക് www.norkaroots.org എന്ന വെബ്‌സൈറ്റിൽ ഇന്ന് കൂടി (നവംബർ 8 ) അപേക്ഷിക്കാം. നോർക്ക റൂട്‌സിൽ നിന്ന് അറിയിപ്പ് ലഭിക്കുന്നവർക്ക് മേളയിൽ പങ്കെടുക്കാം. നോർക്ക ഡിപ്പാർട്ട്‌മെന്റ് പ്രൊജക്ട് ഫോർ റീട്ടേൺഡ് എമിഗ്രൻസ് (എൻഡിപിആർഇഎം) പദ്ധതി പ്രകാരമാണ് ലോൺ നൽകുന്നത്. ഇതുവഴി 15 ശതമാനം മൂലധന സബ്‌സിഡിയും 3 ശതമാനം പലിശ സബ്‌സിഡിയും സംരംഭകർക്ക് ലഭിക്കും. ടോൾഫ്രീനമ്പർ: 1800 425 3939.