ചാലക്കുടി: പനമ്പിള്ളി മെമ്മോറിയൽ ഗവ. കോളേജ് യൂണിയൻ തിരഞ്ഞെടുപ്പിൽ മുഴുവൻ സീറ്റുകളിലും എസ്.എഫ്.ഐ സ്ഥാനാർത്ഥികൾ വിജയിച്ചു. എ.ബി.വി.പി, കെ.എസ്.യു എന്നിവയുടെ പാനലും മത്സരരംഗത്തുണ്ടായിരുന്നു. വിജയത്തിൽ ആഹ്ലാദം പ്രകടിപ്പിച്ച് നഗരത്തിൽ വിദ്യാർത്ഥികൾ പ്രകടനം നടത്തി. വി.ജെ. സൂരജ് (ചെയർമാൻ), കെ. ജസ്മിയ (വൈസ് ചെയർമാൻ), സി.എച്ച്. അമൽ (സെക്രട്ടറി), യു.ടി. ശ്രീലക്ഷ്മി (ജോ. സെക്രട്ടറി), വി.യു. ആദിത്യൻ (യു.യു.സി), എം.എ. അജയ് (ഫൈൻ ആർട്‌സ്), ജി.പി. മേഘ (ജനറൽ ക്യാപ്ടൻ), പി.വി. ജിതിൻ (എഡിറ്റർ) എന്നിവരാണ് ജയിച്ചത്.