തൃശൂർ: ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ എംപ്ലോയബിലിറ്റി സെന്ററിന്റെ ആഭിമുഖ്യത്തിൽ നടത്തുന്ന പ്രതീക്ഷ 2022' ജോബ് ഫെയർ ഇന്ന്. ചെമ്പൂക്കാവിലുള്ള ജവഹർ ബാലഭവനിൽ നടക്കുന്ന ജോബ് ഫെയർ മേയർ എം.കെ വർഗീസ് ഉദ്ഘാടനം ചെയ്യും. സ്വകാര്യമേഖലയിലെ 20ൽ അധികം സ്ഥാപനങ്ങൾ പങ്കെടുക്കുന്ന മേളയിൽ ആയിരത്തിലധികം ഒഴിവ് റിപ്പോർട്ട് ചെയ്തിട്ടുണ്ട്. പത്താം ക്ലാസ് മുതൽ ഉയർന്ന വിദ്യാഭ്യാസ യോഗ്യതകളുള്ള എല്ലാവർക്കും പങ്കെടുക്കാം. ബയോഡാറ്റ, സർട്ടിഫിക്കറ്റ് എന്നിവയുടെ കോപ്പികൾ കൊണ്ടുവരണം. രാവിലെ 9.30ന് രജിസ്‌ട്രേഷൻ ആരംഭിക്കും. ജില്ലാ പഞ്ചായത്ത് മെമ്പർ വി.എസ് പ്രിൻസ്, കൗൺസിലർ റെജി ജോയ് , ജില്ലാ എംപ്ലോയ്‌മെന്റ് ഓഫീസർ ശിവദാസൻ എം, എംപ്ലോയ്‌മെന്റ് ഓഫീസർ വി.എം.ഹംസ, പി.എൽ ബിജു, ശശികുമാർ എൻ.ബി എന്നിവർ പങ്കെടുക്കും.