തൃശൂർ: വീട്ടിൽ വായനശാല തുടങ്ങാൻ വിദ്യാർത്ഥികൾക്ക് അമ്പത് പുസ്തകം വീതം സൗജന്യമായി നൽകുന്ന പുസ്തകപ്പുര പദ്ധതിയുടെ ഒന്നാം ഘട്ടം സമാപിച്ചു. പൂച്ചട്ടി ഭാരതീയ വിദ്യാഭവൻ സ്‌കൂളിൽ നടന്ന ചടങ്ങിൽ എട്ടാം ക്ലാസ് വിദ്യാർത്ഥി മാളവിക പുസ്തകം ഏറ്റുവാങ്ങി. ഇതുവരെ 15 കുട്ടികൾക്ക് പുസ്തകം നൽകി. രണ്ടാം ഘട്ടം ഡിസംബറിൽ ആരംഭിക്കും. ഡോ.എൻ.ആർ ഗ്രാമപ്രകാശ് ഉദ്ഘാടനം ചെയ്തു. ഭാരതീയ വിദ്യാഭവൻ വൈസ് ചെയർമാൻ കെ.വേണുഗോപാൽ അദ്ധ്യക്ഷനായി. കലാമണ്ഡലം രജിസ്ട്രാർ ഡോ.പി രാജേഷ്‌കുമാർ വിശിഷ്ടാതിഥിയായി. പ്രിൻസിപ്പൽ ചിത്ര എസ്.നായർ സ്വാഗതവും മാളവിക നന്ദിയും പറഞ്ഞു. അഞ്ച് മുതൽ ഒമ്പത് വരെയുള്ള കുട്ടികൾക്കാണ് പുസ്തകം നൽകുക. യു.പി വിഭാഗം കുട്ടികൾക്ക് 25 പുസ്തകവും ഹൈസ്‌കൂൾ വിഭാഗത്തിന് 50 പുസ്തകവും നൽകും. ഫോൺ: 99954310 33, 9562310333.