മുടപുരം: ലഹരിക്കതിരായി ലഹരിമുക്ത കേരളം മുദ്രാവാക്യമൂർത്തി അഴൂർ ഗ്രാമപഞ്ചായത്തിന്റെ ആഭിമുഖ്യത്തിൽ ഗ്രാമപഞ്ചായത്ത് അതിർത്തിയായ അഴൂർ ഗണപതിയാംകോവിൽ മുതൽ ചിലമ്പിൽ ജംഗ്ഷൻ വരെ മനുഷ്യച്ചങ്ങല തീർത്തു. പെരുങ്ങുഴി ജംക്ഷനിൽ സത്യപ്രതിജ്ഞ ചൊല്ലി പഞ്ചായത്ത് പ്രസിഡന്റ് ആർ. അനിൽ പരിപാടി ഉദ്ഘാടനം ചെയ്തു. വികസനകാര്യ സ്റ്റാൻഡിംഗ് കമ്മിറ്റി ചെയർമാൻ സി. സുര അദ്ധ്യക്ഷത വഹിച്ചു. ബ്ലോക്ക് പഞ്ചായത്ത് ക്ഷേമകാര്യ ചെയർമാൻ ജി. വിജയകുമാരി, ഗ്രാമ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എം. ഷാജഹാൻ, ഗ്രാമപഞ്ചായത്ത് മെമ്പർമാരായ സജിത്ത്, കെ.എസ്. അനിൽകുമാർ നാഗർ നട, നസിയ, സുധീർ.എം.ജി, എൻ.ആർ.ജി.എസ് എ.ഇ.രാജേഷ് തുടങ്ങിയവർ പങ്കെടുത്തു.
ഗ്രാമപഞ്ചായത്തിന്റെ വിവിധ പ്രദേശങ്ങളിൽ മനുഷ്യചങ്ങലയുമായി ബന്ധപ്പെട്ട് സംഘടിപ്പിച്ച സത്യപ്രതിജ്ഞയിൽ ഗ്രാമപഞ്ചായത്ത് വൈസ് പ്രസിഡന്റ് കവിത,​ ഗ്രാമപഞ്ചായത്ത് മെമ്പർമാരായ ഓമന, സിന്ധു, ഷീജ, ഷീബ രാജു, മനോഹരൻ, ജയകുമാർ,​ എസ്‌.വി. അനിലാൽ, ലതിക മണി രാജൻ തുടങ്ങിയവർ സത്യ വാചകം ചൊല്ലിക്കൊടുത്തു.