തിരുവനന്തപുരം: ഈ വർഷം ആദ്യത്തെ പത്തു മാസത്തിനുള്ളിൽ ലഹരികടത്തുമായി ബന്ധപ്പെട്ട് സംസ്ഥാനത്ത് പൊലീസ് അറസ്റ്റ് ചെയ്തത് 24,962 പേർ. 22,606 കേസുകൾ രജിസ്റ്റർ ചെയ്തു. ഇക്കാലയളവിൽ ഏറ്റവും കൂടുതൽ കേസുകൾ രജിസ്റ്റർ ചെയ്തത് എറണാകുളത്താണ്് -3030 കേസുകൾ. 2853 കേസുകളുമായി തിരുവനന്തപുരം രണ്ടാം സ്ഥാനത്താണ്. 2354 കേസുകളുള്ള കൊല്ലം ജില്ലയാണ് തൊട്ടുപിന്നിൽ. ഏറ്റവും കുറച്ച് കേസുകൾ രജിസ്റ്റർ ചെയ്തിരിക്കുന്നത് പത്തനംതിട്ടയിലാണ്- 501 കേസുകൾ. ഇക്കൊല്ലം ഇതുവരെ ഏറ്റവും കൂടുതൽപേർ അറസ്റ്റിലായത് എറണാകുളത്താണ്-3386 പേർ. തിരുവനന്തപുരത്ത് 3007 പേരും മലപ്പുറത്ത് 2669 പേരും അറസ്റ്റിലായി. ഏറ്റവും കുറച്ച് പേർ (500) അറസ്റ്റിലായത് പത്തനംതിട്ടയിലാണ്. ഇക്കൊല്ലം ഇതുവരെ 2751.91 കിലോ കഞ്ചാവാണ് പിടികൂടിയത്. 14.29 കിലോ എം.ഡി.എം.എയും 2.10 കിലോ ഹാഷിഷും പിടിച്ചെടുത്തു. 1.04 കിലോ ഹെറോയിനും 35.82 കിലോ ഹാഷിഷ് ഓയിലും ഇക്കാലയളവിൽ പിടികൂടുകയുണ്ടായി.