തിരുവനന്തപുരം: തെക്കൻ കേരളത്തിലും മദ്ധ്യ കേരളത്തിലും അഞ്ചു ദിവസം മഴ തുടരും. മദ്ധ്യ കേരളത്തിൽ മഴ കനക്കും. ഉച്ചയ്ക്കുശേഷം ശക്തമായ ഇടിമിന്നലിനും സാദ്ധ്യതയുണ്ട്. മറ്റു സ്ഥലങ്ങളിലും ഒറ്റപ്പെട്ട മഴ പെയ്തേക്കും. ഒൻപതിന് ബംഗാൾ ഉൾക്കടലിൽ ശ്രീലങ്കൻ തീരത്തിനു സമീപം പുതിയ ന്യൂന മർദ്ദം രൂപപ്പെട്ടേക്കും. കേരള, തമിഴ്നാട്, കർണാടക, ലക്ഷദ്വീപ് തീരങ്ങളിൽ മത്സ്യബന്ധനത്തിന് തടസമില്ല.