മുടപുരം: കിഴുവിലം ഗ്രാമപഞ്ചായത്തിലെ എല്ലാ വാർഡുകളിലുമുള്ള പേപ്പട്ടി ശല്യം പരിഹരിക്കണമെന്നാവശ്യപ്പെട്ട് കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ പഞ്ചായത്ത് സെക്രട്ടറിയെ ഉപരോധിച്ചു. തെരുവുനായ്ക്കൾക്ക് ഷെൽട്ടർ, എ.ബി.സി പ്രോഗ്രാം എന്നിവ അടിയന്തരമായി നടപ്പിലാക്കണമെന്ന് പ്രതിഷേധക്കാർ ആവശ്യപ്പെട്ടു. ചിറയിൻകീഴ് ബ്ലോക്ക് കോൺഗ്രസ് കമ്മിറ്റി പ്രസിഡന്റ് എൻ.വിശ്വനാഥൻ നായർ, മണ്ഡലം കോൺഗ്രസ് കമ്മിറ്റി പ്രസിഡന്റുമാരായ കിഴുവിലം രാധാകൃഷ്ണൻ, ബിജു കിഴുവിലം, ജി.എസ്.ടി.യു മുൻ സംസ്ഥാന പ്രസിഡന്റ് ജെ.ശശി, മൈനോറിറ്റി കോൺഗ്രസ് ബ്ലോക്ക് പ്രസിഡന്റ് പി.എ.റഹീം, മണ്ഡലം കോൺഗ്രസ് കമ്മിറ്റി മുൻ അദ്ധ്യക്ഷൻ എസ്.സിദ്ദീഖ്, പഞ്ചായത്ത് മെമ്പർമാരായ അനന്തകൃഷ്ണൻ നായർ, ജയന്തികൃഷ്ണ, മഹിളാ കോൺഗ്രസ് നേതാവ് ഷൈലജ സത്യദേവൻ, കിഴുവിലം സർവീസ് സഹകരണ ബാങ്ക് ബോർഡ് മെമ്പർ താഹ, ഓവർസീസ് കോൺഗ്രസ് നേതാവ് നൗഷാദ്, റസിഡന്റ്സ് വെൽഫെയർ സൊസൈറ്റി ബോർഡ് മെമ്പർ നന്ദകുമാർ, സത്യദേവൻ, സജീവ്, ശശി എന്നിവർ പങ്കെടുത്തു.