തിരുവനന്തപുരം: ജലഗതാഗത വകുപ്പിൽ മെക്കാനിക്കൽ എൻജിനീയർ, യൂണിവേഴ്സിറ്റികളിൽ പബ്ലിക് റിലേഷൻസ് ഓഫീസർ, കൃഷി വകുപ്പിൽ വർക്ക് സൂപ്രണ്ട്, പൊതുമരാമത്ത് (ഇലക്ട്രിക്കൽ വിംഗ് ) വകുപ്പിൽ ലൈൻമാൻ, ഹാൻഡ്ലൂം ഡെവലപ്‌മെന്റ് കോർപ്പറേഷൻ ലിമിറ്റഡിൽ സെയിൽസ് അസിസ്റ്റന്റ് തുടങ്ങി 33 തസ്തികയിലേക്ക് വിജ്ഞാപനം പ്രസിദ്ധീകരിക്കാൻ ഇന്നലെ ചേർന്ന പി.എസ്.സി യോഗം തീരുമാനിച്ചു.

അഭിമുഖം നടത്തും

മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ (ജനറൽ സർജറി) - ഒന്നാം എൻ.സി.എ. - ധീവര (കാറ്റഗറി നമ്പർ 121/2022), സാങ്കേതിക വിദ്യാഭ്യാസ വകുപ്പിൽ (ഫൈൻആർട്സ് കോളേജ്) ക്ലേ വർക്കർ - ഒന്നാം എൻ.സി.എ. ഈഴവ/തിയ്യ/ബില്ലവ (കാറ്റഗറി നമ്പർ 119/2020), മെഡിക്കൽ വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ (ഫാർമക്കോളജി) - ആറാം എൻ.സി.എ.- പട്ടികവർഗ്ഗം (കാറ്റഗറി നമ്പർ 124/2022), തിരുവനന്തപുരം, കാസർഗോഡ് ജില്ലകളിൽ വിദ്യാഭ്യാസ വകുപ്പിൽ എച്ച്.എസ്.ടി. ഹിന്ദി - തസ്തികമാറ്റം മുഖേന (കാറ്റഗറി നമ്പർ 60/2022), ആലപ്പുഴ, കാസർഗോഡ് ജില്ലകളിൽ വിദ്യാഭ്യാസ വകുപ്പിൽ ഫിസിക്കൽ എഡ്യൂക്കേഷൻ ടീച്ചർ (എച്ച്.എസ്.) മലയാളം മീഡിയം - ഒന്നാം എൻ.സി.എ. ഹിന്ദുനാടാർ (കാറ്റഗറി നമ്പർ 684/2021), എറണാകുളം ജില്ലയിൽ വിദ്യാഭ്യാസ വകുപ്പിൽ പാർട്ട്‌ടൈം ജൂനിയർ ലാംഗ്വേജ് ടീച്ചർ അറബിക് (എൽ.പി.എസ്.) - നാലാം എൻ.സി.എ. പട്ടികജാതി (കാറ്റഗറി നമ്പർ 686/2021) എന്നീ തസ്തികകളിലേക്ക് അഭിമുഖം നടത്തും.

സാദ്ധ്യതാപട്ടിക

ടൗൺ ആൻഡ് കൺട്രി പ്ലാനിംഗ് വകുപ്പിൽ ട്രേസർ (കാറ്റഗറി നമ്പർ 649/2021), മെഡിക്കൽ എഡ്യൂക്കേഷൻ സർവീസിൽ ചെയർ സൈഡ് അസിസ്റ്റന്റ് (കാറ്റഗറി നമ്പർ 395/2019), കണ്ണൂർ, എറണാകുളം, പാലക്കാട് ജില്ലകളിൽ അച്ചടി വകുപ്പിൽ കമ്പ്യൂട്ടർ ഗ്രേഡ് 2 (കാറ്റഗറി നമ്പർ 282/2020), കേരള കോ-ഓപ്പറേറ്റീവ് മിൽക്ക് മാർക്കറ്റിങ് ഫെഡറേഷൻ ലിമിറ്റഡിൽ ടെക്നീഷ്യൻ ഗ്രേഡ് 2 (റഫ്രീജറേഷൻ മെക്കാനിക്) - ജനറൽ (കാറ്റഗറി നമ്പർ 14/2022) എന്നീ തസ്തികകളിലേക്ക് സാദ്ധ്യതാ പട്ടിക പ്രസിദ്ധീകരിക്കും.

ഓൺലൈൻ പരീക്ഷ

ഭൂജല വകുപ്പിൽ ജിയോളജിക്കൽ അസിസ്റ്റന്റ് (കാറ്റഗറി നമ്പർ 98/2022), വിവിധ ജില്ലകളിൽ വിദ്യാഭ്യാസ വകുപ്പിൽ ഫുൾടൈം ജൂനിയർ ലാംഗ്വേജ് ടീച്ചർ ഹിന്ദി - ഒന്നാം എൻ.സി.എ ഹിന്ദുനാടാർ, എൽ.സി./എ.ഐ., മുസ്ലീം, എസ്.സി.സി.സി., എസ്.ഐ.യു.സി.നാടാർ (കാറ്റഗറി നമ്പർ 332/2021 - 336/2021), ഭക്ഷ്യസുരക്ഷാ വകുപ്പിൽ ജൂനിയർ റിസർച്ച് ഓഫീസർ (പട്ടികവർഗ്ഗം) (കാറ്റഗറി നമ്പർ 34/2022) എന്നീ തസ്തികകളിലേക്ക് ഓൺലൈൻ പരീക്ഷ നടത്തും.

വിവരണാത്മക പരീക്ഷ

കേരള സംസ്ഥാന പ്ലാനിംഗ് ബോർഡിൽ അഗ്രോണമിസ്റ്റ്(കാറ്റഗറി നമ്പർ 24/2020) തസ്തികകളിലേക്ക് വിവരണാത്മക പരീക്ഷ നടത്തും.