തിരുവനന്തപുരം : വാർത്താസമ്മേളനത്തിൽ നിന്ന് തുടർച്ചയായി ഒരു വിഭാഗം മാദ്ധ്യമങ്ങളെ വിലക്കുന്ന ഗവർണറുടെ നടപടിക്കെതിരെ പ്രസ് ക്ലബിന്റെ നേതൃത്വത്തിൽ മാദ്ധ്യമ പ്രവർത്തകർ രാജ്ഭവനിലേക്ക് പ്രതിഷേധ പ്രകടനം നടത്തി.മാനവീയം വീഥിയിൽ നിന്ന് ആരംഭിച്ച പ്രകടനം രാജ്ഭവന് മുന്നിലെത്തിയപ്പോൾ പ്രതിഷേധ ജ്വാല തെളിച്ചു.ജോൺ ബ്രിട്ടാസ് എം.പി ഉദ്ഘാടനം ചെയ്തു. പ്രസ് ക്ലബ് പ്രസിഡന്റ് എം.രാധാകൃഷ്ണൻ അദ്ധ്യക്ഷത വഹിച്ചു.ബിനോയ് വിശ്വം എം.പി,കോൺഗ്രസ് നേതാവ് ജ്യോതികുമാർ ചാമക്കാല,പ്രസ്ക്ലബ് സെക്രട്ടറി എച്ച്.ഹണി, മുതിർന്ന മാദ്ധ്യമപ്രവർത്തകരായ വി.പ്രതാപചന്ദ്രൻ, ജി.ശേഖരൻ നായർ, എൻ.പി.ചന്ദ്രശേഖരൻ എന്നിവർ സംസാരിച്ചു. ഇന്ന് പത്രപ്രവർത്തക യൂണിയന്റെ നേതൃത്വത്തിൽ രാജ്ഭവനിലേക്ക് പ്രതിഷേധം സംഘടിപ്പിക്കും.