കിളിമാനൂർ: കേരള സ്കൂൾ കലോത്സവത്തിന്റെ ഭാ​ഗമായുള്ള കിളിമാനൂർ ഉപജില്ലാതല മത്സരങ്ങൾക്ക് നാളെ ​പകൽകുറി ​ഗവ.വൊക്കേഷണൽ ആൻഡ് ഹയർസെക്കൻഡറി സ്കൂളിൽ തുടക്കമാകും. രാവിലെ 9ന് ജനറൽ കൺവീനർ ബി.ഷീല പതാക ഉയർത്തും. തുടർന്ന് രജിസ്ട്രേഷനും രചനാ മത്സരങ്ങളും നടക്കും.14,15,16 തീയതികളിൽ കലാപരിപാടികളും നടക്കും.കിളിമാനൂർ ഉപജില്ലാ പരിധിയിലെ 76 സ്കൂളുകളിൽ നിന്നുള്ള നാലായിരത്തോളം പ്രതിഭകൾ 9 വേദികളിലായി നടക്കുന്ന മത്സരങ്ങളിൽ മാറ്റുരയ്ക്കും.14ന് നടക്കുന്ന ചടങ്ങിൽ അടൂർ പ്രകാശ് എം.പി കലാമേള ഉദ്ഘാടനം ചെയ്യും.വി.ജോയി എം.എൽ.എ അദ്ധ്യക്ഷനാകും.ഒ.എസ്.അംബിക എം.എൽ.എ മുഖ്യ പ്രഭാഷകയാകും. 16ന് വൈകിട്ട് 5ന് നടക്കുന്ന സമാപനസമ്മേളനം മന്ത്രി ജെ.ചിഞ്ചുറാണി ഉദ്ഘാടനം ചെയ്യും. മജീഷ്യൻ ​ഗോപിനാഥ് മുതുകാട് മുഖ്യാതിഥിയാകും.പള്ളിക്കൽ പഞ്ചായത്ത് പ്രസിഡന്റ് എം.ഹസീന അദ്ധ്യക്ഷയാകും.