ആറ്റിങ്ങൽ: ആറ്റിങ്ങൽ ഉപജില്ലാ കലോത്സവം അടൂർ പ്രകാശ് എം.പി ഉദ്ഘാടനം ചെയ്തു. ആറ്റിങ്ങൽ നഗരസഭാ ചെയർപേഴ്സൺ അഡ്വ.എസ്.കുമാരി അദ്ധ്യക്ഷത വഹിച്ചു. കഥാകൃത്ത് നാഷിദ് എം.ഫാമി മുഖ്യാതിഥിയായിരുന്നു.

പ്രിൻസിപ്പൽ എസ്.അജിത,​ റിസപ്ഷൻ കമ്മിറ്റി കൺവീനർ സുനിൽകുമാർ.എം,​ നഗരസഭ വാർഡ് കൗൺസിലർ സുജി.എസ്, പി.ടി.എ പ്രസിഡന്റ് വിജുകുമാർ.വി.എസ്, എ.ഇ.ഒ ഇ വിജയകുമാരൻ നമ്പൂതിരി, വി.എച്ച്.എസ്.എസ് പ്രിൻസിപ്പൽ ഹസീന, വൈസ് പ്രിൻസിപ്പൽ അനിൽകുമാർ.കെ എന്നിവർ സംസാരിച്ചു. വ്യാഴാഴ്ച വൈകിട്ട് 4ന് നഗരസഭ വൈസ് ചെയർമാൻ തുളസീധരൻ പിള്ളയുടെ അദ്ധ്യക്ഷതയിൽ നടക്കുന്ന സമാപന സമ്മേളനം ഒ.എസ്.അംബിക എം.എൽ.എ ഉദ്ഘാടനം ചെയ്യും. വി.ശശി എം.എൽ.എ സമ്മാനവിതരണം നടത്തും.