കടയ്ക്കാവൂർ: കേരള സംഗീത നാടകഅക്കാഡമിയും കടയ്ക്കാവൂർ കലാകാരന്മാരുടെ കൂട്ടായ്മയായ പിറവി, എസ്.എസ്. നടന സഭ എന്നിവർ സംയുക്തമായി സംഘടിപ്പിക്കുന്ന കഥാപ്രസംഗ മഹോത്സവം 18മുതൽ 20വരെ പ്രൊഫ:വി. സാംബശിവൻ നഗറായ സെന്റ് അലോഷ്യസ് എൽ.പി സ്കൂളിൽ 18ന് വൈകിട്ട് 5ന് ചിറയിൻകീഴ് എം.എൽ.എ. ശശി ഉദ്ഘാടനം ചെയ്യും. അഞ്ചുതെങ്ങ് പഞ്ചായത്ത്‌ പ്രസിഡന്റ് ലൈജു അദ്ധ്യക്ഷത വഹിക്കും. കേരള സംഗീത നാടക അക്കാഡമി നിർവാഹക സമിതി അംഗം ഫ്രാൻസിസ് ടി. മാവേലിക്കര, ഹെഡ്‌ലോഡ് ക്ഷേമനിധി ബോർഡ്‌ ചെയർമാൻ രാമു എന്നിവർ മുഖ്യാതിഥികൾ ആയിരിക്കും. ഹോളി സ്പിരിറ്റ്‌ ചർച്ച് ഇടവക വികാരി ഫാദർ ജസ്റ്റിൻ ജൂഡ് അനുഗ്രഹ പ്രഭാഷണം നടത്തും. ജില്ലാ പഞ്ചായത്ത്‌ മെമ്പർ സുഭാഷ്,​ അഞ്ചു തെങ്ങ് സുരേന്ദ്രൻ, ലിജബോസ്, പയസ്, ജെറാൾഡ്, സ്വാഗത സംഘം ചെയർമാൻ സൈജുരാജ്,​ സംഘം കൺവീനർ സജിസുന്ദർ എന്നിവ‌ർ പങ്കെടുക്കും. 18ന് വൈകുന്നേരം 6ന് ചിറക്കര സലിംകുമാർ അവതരിപ്പിക്കുന്ന സാംബശിവൻ കഥകളുടെ രാജശിൽപി, രണ്ടാം ദിവസം വൈകുന്നേരം 5ന് ദേവ കിരൺ അവതരിപ്പിക്കുന്ന ബാല്യകാല സഖി, ,6:30ന് ആർ ചന്ദ്രൻ അവതരിപ്പിക്കുന്ന വൈലോപ്പിള്ളിയുടെ മാമ്പഴം ഒരു പുനർജനി. മൂന്നാം ദിവസം വൈകുന്നേരം 5ന് അഥീന അശോക് അവതരിപ്പിക്കുന്ന ഇന്നലത്തെ മഴ,6:30ന് മാരായ മുട്ടം ജോണി അവതരിപ്പിക്കുന്ന കണ്ണകി എന്നിവയാണ് കഥാപ്രസംഗങ്ങൾ.