കല്ലമ്പലം: കിളിമാനൂർ ഉപജില്ലാ കലോത്സവത്തിൽ 244 പോയിന്റ് കരസ്ഥമാക്കി ഹയർസെക്കൻഡറി ജനറൽ വിഭാ​ഗത്തിൽ കടുവയിൽ കെ.ടി.സി.ടി ഹയർസെക്കൻഡറി സ്കൂളും, ഹൈസ്കൂൾ ജനറൽ വിഭാ​ഗത്തിൽ 195 പോയിന്റുമായി കിളിമാനൂർ രാജാരവിവർമ്മ ​ഗേൾസ് ഹയർസെക്കൻഡറി സ്കൂളും ഓവറാൾ ചാമ്പ്യൻമാരായി.

ഹയർസെക്കൻഡറി ജനറൽ രണ്ടാംസ്ഥാനം 237 പോയിന്റോടെ രാജാരവിവർമ്മ ​ഗേൾസ് ഹയർസെക്കൻഡറി സ്കൂളും ഹൈസ്കൂൾ ജനറൽ വിഭാ​ഗം രണ്ടാംസ്ഥാനം 175 പോയിന്റോടെ കെ.ടി.സി.ടി സ്കൂളും കരസ്ഥമാക്കി. യു.പി വിഭാ​ഗം ജനറൽ വിഭാ​ഗത്തിൽ 75 പോയിന്റോടെ പകൽക്കുറി വൊക്കേഷണൽ ഹയർസെക്കൻഡറി സ്കൂൾ ഒന്നാം സ്ഥാനവും, 72 പോയിന്റോടെ പേരൂർ എം.എം.യു.പി.എസ് രണ്ടാം സ്ഥാനവും കരസ്ഥമാക്കി. എൽ.പി വിഭാ​ഗം ജനറൽ വിഭാ​ഗത്തിൽ 63 പോയിന്റോടെ മടവൂർ ​ഗവ.എൽ.പി.എസ് ഒന്നാം സ്ഥാനവും, 57 പോയിന്റോടെ കിളിമാനൂർ ​ഗവ.ടൗൺ യു.പി.എസ് രണ്ടാംസ്ഥാനവും കരസ്ഥമാക്കി. ഹൈസ്കൂൾ വിഭാ​ഗം സംസ്കൃതോത്സവത്തിൽ 70 പോയിന്റോടെ രാജാരവിവർമ്മ ​ഗേൾസ് സ്കൂൾ ഒന്നാം സ്ഥാനവും 54 പോയിന്റോടെ കരവാരം വി.എച്ച്.എസ്.എസ് രണ്ടാംസ്ഥാനവും നേടി.

യു.പി വിഭാ​ഗം സംസ്കൃതോത്സവത്തിൽ 90 പോയിന്റോടെ ​ദർശനാവട്ടം ​ഗുരുദേവ് യു.പി.എസ് ഒന്നാം സ്ഥാനവും 83 പോയിന്റോടെ പുലിയൂർകോണം എസ്.വി.യു.പി.എസ് രണ്ടാം സ്ഥാനവും കരസ്ഥമാക്കി. ഹൈസ്കൂൾ വിഭാ​ഗം അറബിക് കലോത്സവത്തിൽ 85 പോയിന്റോടെ പകൽക്കുറി ​ഗവ.വൊക്കേഷണൽ ഹയർസെക്കൻഡറി സ്കൂൾ ഒന്നാം സ്ഥാനവും 75 പോയിന്റോടെ കടമ്പാട്ടുകോണം എസ്.കെ.വി എച്ച്.എസ് രണ്ടാം സ്ഥാനവും കരസ്ഥമാക്കി.

യു.പി വിഭാ​ഗം അറബിക് കലോത്സവത്തിൽ 65 പോയിന്റോടെ കെ.ടി.സി.ടി സ്കൂൾ ഒന്നാം സ്ഥാനവും 61 പോയിന്റുകൾ വീതം നേടി പേരൂർ എം.എം.യു.പി.എസ്, പുലിയൂർകോണം എസ്.വി.യു.പി.എസ്, തേവലക്കാട് എസ്.എൻ.യു.പി.എസ് എന്നീ സ്കൂളുകൾ രണ്ടാം സ്ഥാനവും പങ്കിട്ടു. എൽ.പി വിഭാ​ഗം അറബിക് കലോത്സവത്തിൽ 45 പോയിന്റ് വീതം നേടി കെ.ടി.സി.ടി സ്കൂൾ, ഞാറയിൽകോണം എം.എൽ.പി.എസ്, ദർശനാവട്ടം ​ഗുരുദേവ് യു.പി.എസ് എന്നീ സ്കൂളുകൾ ഒന്നാം സ്ഥാനം പങ്കിട്ടു. 43 പോയിന്റ് വീതം നേടി പകൽക്കുറി ​ഗവ.എൽ.പി.എസ്, പേരൂർ വടശേരി ജി.യു.പി.എസ് എന്നീ സ്കൂളുകൾ രണ്ടാം സ്ഥാനം പങ്കിട്ടു.