നെയ്യാറ്റിൻകര : കേരള ലാറ്റിൻ കാത്തലിക് അസോസിയേഷൻ സുവർണ്ണ ജൂബിലി ആഘോഷങ്ങളുടെ ഭാഗമായി കെ.എൽ.സി.എ നെയ്യാറ്റിൻകര രൂപത സമിതി സംഘടിപ്പിച്ച സുവർണ്ണദീപ്തി സംഗമം സാംസ്കാരിക സമ്മേളനത്തിന്റെ ഉദ്ഘാടനം നെയ്യാറ്റിൻകര രൂപത മെത്രാൻ ഡോ. വിൻസെന്റ് സാമുവൽ നിർവഹിച്ചു. സമുദായിക, സാമൂഹിക, വിദ്യാഭ്യാസ പ്രശ്നങ്ങൾ പഠിക്കാനും പരിഹരിക്കാനും കെ.എൽ.സി.എ തയ്യാറാവണമെന്നും സഭയും സമുദായവും ഒന്നിച്ചുള്ള പ്രവർത്തനമാണ് നടത്തേണ്ടതെന്നും അദ്ദേഹം പറഞ്ഞു.
രൂപത പ്രസിഡന്റ് ആൽഫ്രഡ്‌ വിൽ‌സൺ അദ്ധ്യക്ഷത വഹിച്ചു. ജി.ക്രിസ്തുദാസ് അനുഗ്രഹ പ്രഭാഷണം നടത്തി. സുവർണ്ണ ദീപ്തി സംഗമത്തിന്റെ ഉദ്ഘാടനം കെ.ആൻസലൻ എം.എൽ.എ നിർവഹിച്ചു. ഡോ. ഡി. സെൽവരാജൻ അനുഗ്രഹ പ്രഭാഷണം നടത്തി, രൂപത വൈസ് പ്രസിഡന്റ് അനിത സി.ടി ,അദ്ധ്യക്ഷത വഹിച്ചു. സംസ്ഥാന ജനറൽ സെക്രട്ടറി അഡ്വ. ഷെറി ജെ. തോമസ് വിഷയാവതരണം നടത്തി. വിൻസെന്റ് എം.എൽ.എ, സംസ്ഥാന പ്രസിഡന്റ് ആന്റണി നോറോണ, വി.പി .ജോസ്, ജനറൽ സെക്രട്ടറി വികാസ് കുമാർ എൻ. വി, ഫാ. അനിൽകുമാർ, പോൾ പി.ആർ, സന്തോഷ്‌ എസ്.ആർ തുടങ്ങിയവർ പങ്കെടുത്തു. രൂപതാ ചാൻസലർ ഫാ.ഡോ. ജോസ് റാഫേൽ മുഖ്യ സന്ദേശം നൽകി. സംസ്ഥാന സെക്രട്ടറി ബിജു ജോസി , രൂപത വൈസ് പ്രസിഡന്റ് എം. എം. അഗസ്റ്റിൻ, ആൽഫ്രഡ്‌ വിൽ‌സൺ ഡി, രാജേന്ദ്രൻ ജെ, രൂപത സെക്രട്ടറി ജയപ്രകാശ് ഡി. ജി, വൈസ് പ്രസിഡന്റ് അഗസ്റ്റിൻ ജെ, സുനിൽരാജ്, വിപിൻരാജ്, അഡ്വ. മഞ്ജു, ജി കിരൺകുമാർ, ജോസ് ജെ .ആർ, ബിനിൽകുമാർ, അജയൻ അമലാരാജ്, അനിൽജോസ് ഡി.ജി, സിൽവസ്റ്റർ, ഫെലിക്സ്, സുരേന്ദ്രൻ .സി, വിജയകുമാർ, അഡ്വ. രാജു, സദാനന്ദൻ, സഹായദാസ് തുടങ്ങിയവർ പങ്കെടുത്തു.