കല്ലമ്പലം : പേരേറ്റിൽ ശ്രീജ്ഞാനോദയ സംഘം ഗ്രന്ഥശാല വാർഷികം ഒ.എസ്.അംബിക എം.എൽ.എ ഉദ്ഘാടനം ചെയ്തു. ഗ്രന്ഥശാലാ പ്രസിഡന്റ് എം.രവീന്ദ്രൻ അദ്ധ്യക്ഷത വഹിച്ചു.ഗ്രന്ഥശാലാ സെക്രട്ടറി വി.ശ്രീനാഥക്കുറുപ്പ് വാർഷിക റിപ്പോർട്ട് അവതരിപ്പിച്ചു.വർക്കല ബ്ലോക്ക് പഞ്ചായത്ത് പ്രസിഡന്റ് അഡ്വ.സ്മിതാ സുന്ദരേശൻ,ഒറ്റൂർ ഗ്രാമപഞ്ചായത്ത് പ്രസിഡന്റ് പി.ബീന, വർക്കല താലൂക്ക് ലൈബ്രറി കൗൺസിൽ പ്രസിഡന്റ് വി.സുധീർ ,ഡോ.പി. സത്യശീലൻ,ഡോ.ആർ രാജീവ്,സാഹിത്യകാരൻ മടവൂർ സുരേന്ദ്രൻ , സിനിമാതാരം അഖിൽ കവലയൂർ, വാർഡ് മെമ്പർ ആർ.എസ് സത്യപാൽ, അഡ്വ. ജി. പ്രതാപൻ ,എം.ശ്രീധരൻ, ആഘോഷ കമ്മിറ്റി ഭാരവാഹികളായ വി.ശിവപ്രസാദ്, മോഹനൻനായർ,ആർ.രേണുക,എം.ഗോപാലകൃഷ്ണൻ എന്നിവർ പങ്കെടുത്തു.