ബാലരാമപുരം:പൂതംകോട് ശ്രീനാരായണ ധർമ്മപ്രകാശിനി പ്രാർത്ഥനാ മന്ദിരം വാർഷികവും തൊണ്ണൂറ്റിയേഴാമത് സ്വർഗവാതിൽ ഏകാദശി മഹോത്സവവും എസ്.എൻ.ഡി.പി ശാഖാവാർഷികവും ഗ്രന്ഥശാല- ഗുരുധർമ്മപ്രചാരണസഭ വാർഷികവും ശ്രീനാരായണ പഠന കൺവെൻഷനും ഡിസംബർ 23 മുതൽ ജനുവരി 2 വരെ നടക്കും. 29ന് രാവിലെ 8.30 ന് കൊടിമരഘോഷയാത്ര,​ 11ന് ശ്രീനാരായണ പഠന കൺവെൻഷൻ,​ 12.30 ന് വിശേഷാൽ പൂജ,​ ഉച്ചയ്ക്ക് ഒന്നിന് സമൂഹസദ്യ,​വൈകിട്ട് 7 ന് നടക്കുന്ന സമ്മേളനം മന്ത്രി ജി.ആർ. അനിൽ ഉദ്ഘാടനം ചെയ്യും. ആവണി ശ്രീകണ്ഠൻ,​ ഡോ.രമേശ്,​ സാബുകൃഷ്ണൻ എന്നിവർ സംസാരിക്കും. രാത്രി 9 ന് ചാക്യാർകൂത്ത്,​ 30 ന് രാവിലെ 7.30 ന് ഗുരുദേവകൃതികളുടെ പാരായണം,​ 8.30 ന് നാഗരൂട്ട്,​ 10.30 ന് ശ്രീനാരായണ പഠന കൺവെൻഷനിൽ മാനവികത ഗുരുദേവകൃതികളിൽ എന്ന വിഷയത്തിൽ ധനകാര്യവകുപ്പ് റിട്ട.അഡീഷണൽ സെക്രട്ടറി ശ്രീവത്സൻ എസ്.വിഷയാവതരണം നടത്തും. ഉച്ചയ്ക്ക് ഒന്നിന് സമൂഹസദ്യ,​ രാത്രി 7.30 ന് നൃത്തനൃത്ത്യങ്ങൾ,​ 31 ന് രാവിലെ 7.30 ന് ഗുരുദേവകൃതികളുടെ പാരായണം,​ 10.30 ന് ശ്രീനാരായണ പഠന കൺവെൻഷനിൽ ആശാന്റെ ചണ്ഡാലഭിക്ഷുകിയും കേരള നവോത്ഥാനവും എന്ന വിഷയത്തിൽ ആനാവൂർ മുരുകൻ വിഷയാവതരണം നടത്തും. ഉച്ചയ്ക്ക് ഒന്നിന് സമൂഹസദ്യ,​ 7 ന് നടക്കുന്ന ശ്രീനാരായണ ഗ്രന്ഥശാല വാ‌ർഷിക സമ്മേളനം അഡ്വ.എം.വിൻസെന്റ് എം.എൽ.എ ഉദ്ഘാടനം ചെയ്യും. മഹേഷ് മാണിക്കം അദ്ധ്യക്ഷത വഹിക്കും. ജില്ലാ പഞ്ചായത്തംഗം വിനോദ് കോട്ടുകാൽ,​ അതിയന്നൂർ ബ്ലോക്ക് വൈസ് പ്രസിഡന്റ് സുനിതാറാണി,​ മെമ്പർ സി.എസ്. അജിത,​ ഡോ.ഉഷാസതീഷ്,​രാജൻ വി.പൊഴിയൂർ എന്നിവർ സംസാരിക്കും. രാത്രി 9.30 ന് കേളികൊട്ട്,​ ജനുവരി ഒന്നിന് രാവിലെ 7.30 ന് ഗുരുദേവകൃതികളുടെ പാരായണം,​ 10.30ന് നടക്കുന്ന ശ്രീനാരായണ പഠനകൺവെൻഷനിൽ ഉപജില്ലാ വ്യവസായ ഓഫീസർ ഷിബുസൈൻ വി.സി വിഷയാവതരണം നടത്തും. ഉച്ചയ്ക്ക് ഒന്നിന് സമൂഹസദ്യ,​രാത്രി 7.30 ന് നൃത്തനൃത്യങ്ങൾ. ജനുവരി രണ്ടിന് രാവിലെ 10.30ന് നടക്കുന്ന ശ്രീനാരായണ പഠന കൺവെൻഷനിൽ ആരോഗ്യവും ശുചിത്വവും എന്ന വിഷയത്തിൽ ഡോ.പ്രവീൺ പ്രഭാഷണം നടത്തും.ഉച്ചയ്ക്ക് 12.30 ന് വിശേഷാൽപൂജ,​ ഒന്നിന് സമൂഹസദ്യ,​രാത്രി 7ന് നടക്കുന്ന ശ്രീനാരായണ ധർമ്മപ്രചാരണ സമ്മേളനം മുൻ മന്ത്രി വി.എം.സുധീരൻ ഉദ്ഘാടനം ചെയ്യും.എസ്.എൻ.ഡി.പി നെയ്യാറ്റിൻകര യൂണിയൻ പ്രസിഡന്റ് കെ.വി.സൂരജ് കുമാർ അദ്ധ്യക്ഷത വഹിക്കും.രാത്രി 9.30ന് ഇല്യൂഷൻ വിസ്മയ,​ജനുവരി 3ന് പുലർച്ചെ നാലിന് ആറാട്ട്.