ശിവഗിരി: ശ്രീനാരായണ ഗുരുദേവന്റെ കല്പന യാഥാർത്ഥ്യമാകും വിധം ശിവഗിരി തീർത്ഥാടനത്തെ രൂപപ്പെടുത്തണമെന്ന് അഡ്വ. വി. ജോയ് എം.എൽ.എ. 90-ാമത് ശിവഗിരി തീർത്ഥാടനത്തിന് മുന്നോടിയായി വിവിധ സർക്കാർ ഡിപ്പാർട്ടുമെന്റ് ഉദ്യോഗസ്ഥരുടെ സമ്മേളനത്തിൽ പ്രസംഗിക്കുകയായിരുന്നു അദ്ദേഹം. ഗുരുകല്പിത വിഷയങ്ങളിൽ കൂടുതൽ അവബോധം തീർത്ഥാടകർക്ക് ലഭ്യമാകുന്നതിന് കെ.എസ്.ഇ.ബി.,ഐ.എസ്.ആർ.ഒ,കാർഷികമേഖല തുടങ്ങിയ തലങ്ങളിൽ തീർത്ഥാടനകാലത്ത് എക്സിബിഷനുകൾ സംഘടിപ്പിക്കണമെന്നും എം.എൽ.എ പറഞ്ഞു.
ശ്രീനാരായണ ധർമ്മസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ അദ്ധ്യക്ഷത വഹിച്ചു. ധർമ്മസംഘം ജനറൽ സെക്രട്ടറി സ്വാമി ഋതംഭരാനന്ദ,തീർത്ഥാടന കമ്മിറ്റി സെക്രട്ടറി സ്വാമി വിശാലാനന്ദ,എ.ഡി.എം. അനിൽ ജോസ്,ഡി.വൈ.എസ്.പി. നിയാസ്,തഹസീൽദാർ സജി വർക്കല,മുനിസിപ്പൽ ചെയർമാൻ കെ.എം. ലാജി,ബ്ലോക്ക് പഞ്ചായത്ത് പ്രസിഡന്റ് സ്മിത സുന്ദരേശൻഎന്നിവർക്ക് പുറമേ ഇരുപതോളം വകുപ്പുകളിലെ ഉദ്യോഗസ്ഥരും പങ്കെടുത്തു.