തിരുവനന്തപുരം: കവിയും എഴുത്തുകാരനും ചലച്ചിത്രകാരനുമായ ടി.പി. രാജീവന്റെ ഓർമ്മയിൽ 27ന് സ്മൃതി സംഗമം നടക്കും. മഹാത്മാ അയ്യങ്കാളി ഹാളിൽ രാവിലെ 10ന് പ്രശസ്ത സാഹിത്യകാരൻ എൻ.എസ്.മാധവൻ ഉദ്ഘാടനം ചെയ്യുമെന്ന് സുഹൃദ് സംഘം ചെയർമാൻകൂടിയായ സംവിധായകൻ രഞ്ജിത്, സെക്രട്ടറി ഒ.പി.സുരേഷ്,​ ചലച്ചിത്ര അക്കാഡമി സെക്രട്ടറി അജോയ്, ശങ്കർ രാമകൃഷ്ണൻ, ഷിജുലാൽ എന്നിവർ വാർത്താസമ്മേളനത്തിൽ അറിയിച്ചു.

പ്രഭാഷണങ്ങൾ, കവിതാവതരണങ്ങൾ, സ്മൃതി ഭാഷണങ്ങൾ, രാജീവന്റെ പുസ്തകപ്രകാശനം, കവിതകളുടെയും കഥാ പാത്രങ്ങളുടെയും ചിത്രാവിഷ്‌കാരങ്ങൾ തുടങ്ങിയ പരിപാടികൾ രാത്രി വരെ തുടരും. ബാലചന്ദ്രൻ ചുള്ളിക്കാട്

അടക്കമുള്ളവർ പങ്കെടുക്കും.

വൈകിട്ട് 7 മണിക്ക് ടി.പി.രാജീവന്റെ രചനയിൽ രഞ്ജിത് സംവിധാനം ചെയ്ത 'ഞാൻ' എന്ന ചിത്രത്തിന്റെ പ്രദർശനത്തോടെ സമാപിക്കും.