വെഞ്ഞാറമൂട്: നെഹ്‌റു യൂത്ത് സെന്ററും ദൃശ്യ ഫൈന്‍ ആര്‍ട്സ് സൊസൈറ്റിയും സംയുക്തമായി സംഘടിപ്പിക്കുന്ന അഡ്വ:വെഞ്ഞാറമൂട് രാമചന്ദ്രന്‍ സ്മാരക 14ാമത് സംസ്ഥാന പ്രൊഫഷണല്‍ നാടക മത്സരത്തിന് തിരിതെളിഞ്ഞു. നാടക മത്സരവും അനുബന്ധ പരിപാടികളും മന്ത്രി ആന്റണി രാജു ഉദ്ഘാടനം ചെയ്തു. ഡി.കെ. മുരളി എം.എൽ.എ അദ്ധ്യക്ഷനായി. യോഗത്തിൽ രാമചന്ദ്രൻ സ്മാരക പ്രതിഭാ പുരസ്കാരം വക്കം ഷക്കീറിന് മന്ത്രി സമ്മാനിച്ചു. അടൂർ പ്രകാശ് എം.പി, ഗായകൻ ജി. വേണുഗോപാൽ, കവി മുരുകൻ കാട്ടാക്കട, ജെ.ആർ.പത്മകുമാർ, മീരാസാഹിബ്, എ.എം റൈസ്, എം.എസ്. രാജു, എസ്.സുധീർ, എസ്.അനിൽ, അശോക് ശശി, വിഭു പിരപ്പൻകോട്, വി.വി.സജി തുടങ്ങിയവർ സംസാരിച്ചു. യോഗത്തിൽ വേലായുധൻ സ്മാരക കർഷക അവാർഡ് പുഷ്പാംഗധൻ പിള്ളയ്ക്ക് സമർപ്പിച്ചു. പ്രദർശന നാടകമായി സൗപർണികയുടെ ഇതിഹാസം നാടകം അവതരിപ്പിച്ചു.