ആറ്റിങ്ങൽ: കേരളകൗമുദിയും എക്സൈസ് വകുപ്പും ലയൺസ് ക്ലബും യു ടെക്ക് അക്കാഡമിയും സംയുക്തമായി ആറ്റിങ്ങലിൽ ലഹരി വിരുദ്ധ സെമിനാർ സംഘടിപ്പിക്കുന്നു. ഇന്ന് വൈകിട്ട് 3ന് ആറ്റിങ്ങൽ ഗവൺമെന്റ് ഗേൾസ് ഹയർ സെക്കൻഡറി സ്‌കൂളിൽ അടൂർ പ്രകാശ് എം.പി സെമിനാർ ഉദ്ഘാടനം ചെയ്യും.

കേരളകൗമുദി യൂണിറ്റ് ചീഫ് എസ്. വിക്രമൻ അദ്ധ്യക്ഷത വഹിക്കും. ഒ.എസ്. അംബിക എം.എൽ.എ മുഖ്യാതിഥിയായിരിക്കും. അസിസ്റ്റന്റ് എക്സൈസ് കമ്മിഷണറും വിമുക്‌തി തിരുവനന്തപുരം മാനേജർ പി.കെ. ജയരാജ് മുഖ്യ പ്രഭാഷണം നടത്തും. സ്‌കൂൾ പ്രിൻസിപ്പൽ ഉദയകുമാരി, ഹെഡ്മിട്രസ് കവിത ജോൺ, ആറ്റിങ്ങൽ ലയൺസ് ക്ലബ് പ്രസിഡന്റ് വിദ്യാധരൻ പിള്ള, യു - ടെക്ക് അക്കാഡമി എം.ഡി നാരായണൻ കുട്ടി, വ്യാപാരി വ്യവസായി ജില്ലാ വൈസ് പ്രസിഡന്റ് ജോഷി ബാസു, പി.ടി.എ പ്രസിഡന്റ് വിശ്വംഭരൻ തുടങ്ങിയവർ സംസാരിക്കും. ചടങ്ങിൽ ഉപജില്ലാ കലോത്സവത്തിൽ ഒന്നാം സ്ഥാനം നേടിയ ആറ്റിങ്ങൽ ഗേൾസ് ഹൈസ്‌കൂളിന് കേരളകൗമുദി ഉപഹാരം നൽകും. ആറ്റിങ്ങൽ ലയൺസ് ക്ലബിനും ആറ്റിങ്ങൽ യു - ടെക്ക് അക്കാഡമിക്കും ചടങ്ങിൽ കേരളകൗമുദി ഉപഹാരം നൽകും.

എക്സൈസിന്റെ ലഹരി വിരുദ്ധ ഗോൾ ചലഞ്ചും സംഘടിപ്പിച്ചിട്ടുണ്ട്. കേരളകൗമുദി അസിസ്റ്റന്റ് മാനേജർ സുധി കുമാർ സ്വാഗതവും കേരളകൗമുദി ലേഖകൻ ബൈജു മോഹൻ നന്ദിയും പറയും.