ബാലരാമപുരം: ഭക്ഷ്യ സുരക്ഷയ്ക്ക് ഊന്നൽ നൽകി കാർഷിക വികസന കർഷക ക്ഷേമ വകുപ്പ്,കല്ലിയൂർ ഗ്രാമപഞ്ചായത്ത് എന്നിവയുടെ ആഭിമുഖ്യത്തിൽ ഉപനിയൂർ പാടശേഖരത്തിൽ തരിശ് നെൽകൃഷി വിത്ത് വിതച്ചു.കേന്ദ്ര വിദേശകാര്യ സഹമന്ത്രി വി.മുരളീധരൻ ഉദ്ഘാടനം ചെയ്തു.ഭക്ഷ്യ സ്വയംപര്യാപ്തത കൈവരിക്കുക,കർഷകരുടെ ജീവിതനിലവാരം മെച്ചപ്പെടുത്തുക,പ്രകൃതി സൗഹൃദകൃഷി പ്രോത്സാഹിപ്പിക്കുക എന്നിവയാണ് ഈ പദ്ധതിയുടെ ലക്ഷ്യം.മികച്ച കർഷകരെ കേന്ദ്രമന്ത്രി ആദരിച്ചു.അഡ്വ.എം.വിൻസെന്റ് എം.എൽ.എ അദ്ധ്യക്ഷത വഹിച്ചു. പ്രിൻസിപ്പൽ കൃഷി ഓഫീസർ ബൈജു.എസ്.സൈമൺ പദ്ധതി വിശദീകരിച്ചു.പഞ്ചായത്ത് വൈസ് പ്രസിഡന്റ് സരിത.വി,​ജില്ലാ പഞ്ചായത്തംഗം ഭഗത് റൂഫസ്,​മറ്റ് ജനപ്രതിനിധികൾ തുടങ്ങിയവർ പങ്കെടുത്തു.പഞ്ചായത്ത് പ്രസിഡന്റ് കെ.കെ.ചന്തുകൃഷ്ണ സ്വാഗതവും കൃഷി ഓഫീസർ സ്വപ്ന.സി നന്ദിയും പറഞ്ഞു.