ചേർത്തല: വ്യാപാരിയെ മൂന്നംഗ സംഘം വീട് കയറി ആക്രമിച്ചതായി പരാതി. സംഭവം നടന്ന് നാലു ദിവസം പിന്നിട്ടിട്ടും പൊലീസ് കേസെടുക്കാത്തതിലും ആക്ഷേപമുയർന്നിട്ടുണ്ട്. തടി വ്യാപാരി നഗരസഭ 27ാം വാർഡിൽ
കോയിക്കര വീട്ടിൽ ബിജു തോമസ്(50)നാണ് അക്രമത്തിൽ പരിക്കേ​റ്റത്. ഒന്നിന് രാത്രി അയൽവാസികളായ മൂന്ന് പേർ ചേർന്നാണ് ആക്രമിച്ചതെന്നും കഴുത്തെല്ലിന് തകരാറു പ​റ്റിയതിനാൽ ശസ്ത്രക്രിയ നിശ്ചയിച്ചിരിക്കുകയുമാണ്.താലൂക്ക് ആശുപത്രിയിലും തുടർന്ന് കോട്ടയം മെഡിക്കൽ കോളേജിലുമാണ് പ്രവേശിപ്പിച്ചത്. അക്രമികൾക്കെതിരെ നടപടിയെടുക്കാത്തതിനാൽ ബന്ധുക്കൾ മുഖ്യമന്ത്റിക്കടക്കം പരാതി നൽകിയിട്ടുണ്ട്.