അമ്പലപ്പുഴ: മുത്തശ്ശിക്കൊപ്പം ബന്ധുവീട്ടിലെത്തിയ പ്ലസ് വൺ വിദ്യാർത്ഥി തോട്ടിൽ മുങ്ങിമരിച്ചു. തിരുവല്ല വള്ളംകുളം ഇരവിപേരൂർ മേലേതിൽ സുരേഷ് - ബിന്ദു ദമ്പതികളുടെ മകൻ സൂരജ് (17) ആണ് മരിച്ചത്. തകഴി കുന്നുമ്മ തോട്ടിൽ ഉച്ചയ്ക്ക് ശേഷമായിരുന്നു സംഭവം. തകഴിയിലുള്ള ബന്ധുവീട്ടിലെത്തിയ സൂരജും ഇവിടത്തെ 2 കുട്ടികളുമായി തോട്ടിൽ കുളിക്കവേ സൂരജ് വെള്ളത്തിൽ താഴ്ന്നു പോയി. കൂടെ ഉണ്ടായിരുന്ന കുട്ടികളുടെ ബഹളം കേട്ട് ഓടിയെത്തിയ നാട്ടുകാരാണ് ആദ്യം തെരച്ചിലിനിറങ്ങിയത്. തുടർന്ന് ഫയർഫോഴ്സും അമ്പലപ്പുഴ പൊലീസും എത്തിച്ചേർന്നു. ഫയർഫോഴ്സിന്റെ ജീപ്പിൽ ആലപ്പുഴ മെഡി. ആശുപത്രിയിൽ എത്തിച്ചെങ്കിലും രക്ഷിക്കാനായില്ല. മൃതദേഹം മോർച്ചറിയിലേക്ക് മാറ്റി. സഹോദരൻ: സുബിത്ത്.