അരൂർ : ഡോ.ബി.ആർ അംബേദ്കറുടെ 66-ാമത് ചരമ വാർഷികം ചേർത്തല താലൂക്ക് എസ്.സി ആൻഡ് എസ്.ടി കോ- ഓപ്പറേറ്റീവ് ക്ലസ്റ്ററിന്റെ നേതൃത്വത്തിൽ ആചരിച്ചു. പുഷ്പാർച്ചനയ്ക്കു ശേഷം എരമല്ലൂരിൽ നടന്ന അനുസ്മരണ സമ്മേളനം ക്ലസ്റ്റർ ചെയർമാൻ എം.വി ആണ്ടപ്പൻ ഉദ്ഘാടനം ചെയ്തു. കൺവീനർ ദിവാകരൻ കല്ലുങ്കൽ , പി.കെ. മനോഹരൻ, എം.പി. അനിൽ, ഭാസ്ക്കരൻ ടി. കല്ലുങ്കൽ, സിന്ധു ചന്ദ്രൻ , ടി.കെ.ശശി എന്നിവർ നേതൃത്വം നൽകി.