ആലപ്പുഴ: സാമൂഹിക പ്രവർത്തകനും അദ്ധ്യാപകനുമായിരുന്ന ഷെവലിയർ വി.സി.ആന്റണി മാസ്റ്ററുടെ പേരിൽ വി.സി.ആന്റണി സെന്റർ ഏർപ്പെടുത്തിയിട്ടുള്ള ഈ വർഷത്തെ കർമ്മശ്രേഷ്ഠ പുരസ്കാരം സാഹിത്യകാരനും നിരൂപകനും വിദ്യാഭ്യാസ വിചക്ഷണനുമായ പ്രൊഫ. എം.കെ.സാനുവി​നും ചരിത്രകാരനും പൗരാണിക കലകളുടെ സമുദ്ധാരകനുമായ ഫാ. വി.പി.ജോസഫിനും. 15,111രൂപയും പ്രശസ്തി ഫലകവും വിശിഷ്ടാതി​ഥികളുടെ കൈയൊപ്പോടെ 31ന് ആലപ്പുഴയിൽ നടക്കുന്ന ചടങ്ങിൽ മന്ത്രി വി.എൻ.വാസവൻ സമ്മാനി​ക്കും. പി.പി.ചിത്തരഞ്ജൻ എം.എൽ.എ അദ്ധ്യക്ഷത വഹിക്കും. സഹകരണ വകുപ്പ് സെക്രട്ടറി മിനി ആന്റണി ജേതാക്കളെ പരിചയപ്പെടുത്തും.