ആലപ്പുഴ: ആലപ്പുഴ കടപ്പുറത്ത് ഇ.എസ്.ഐ ആശുപത്രിക്ക് സമീപം പൊലീസ് ഉദ്യോഗസ്ഥന്റെ മൃതദേഹം കരയ്ക്കടി​ഞ്ഞ നി​ലയി​ൽ കണ്ടെത്തി​. ആലപ്പുഴ എ.ആർ ക്യാമ്പിലെ എ.എസ്.ഐ, കാഞ്ഞിരംചിറ സി.ബി കോട്ടേജിൽ ഫെർഡി ഫെർണാണ്ടസിന്റെ മകൻ ഫെബി ഗോൺസാൽവസ് (46) ആണ് മരിച്ചത്.

രാവിലെ എട്ടോടെയാണ് മൃതദേഹം കണ്ടെത്തിയത്. ശനിയാഴ്ച വൈകിട്ട് വരെ ക്യാമ്പിൽ ഡ്യൂട്ടിയി​ലുണ്ടായി​രുന്നു. പുലർച്ചെ 5.45ന് പതിവ് നടത്തത്തി​നായാണ് നഗരത്തിലെ വീട്ടിൽ നിന്നിറങ്ങിയത്. അതുകൊണ്ടുതന്നെ വൈകിയി​ട്ടും ബന്ധുക്കൾക്ക് അസ്വാഭാവികത തോന്നിയില്ല. ആത്മഹത്യയാണെന്നാണ് പൊലീസിന്റെ പ്രാഥമിക നിഗമനം. കുറച്ചുകാലമായി ഇദ്ദേഹം മാനസിക സമ്മർദ്ദത്തിന് ചികിത്സയി​ലായി​രുന്നെന്നും സഹപ്രവർത്തകർ പറഞ്ഞു. സംഭവത്തിൽ ആലപ്പുഴ സൗത്ത് പൊലീസ് കേസെടുത്ത് അന്വേഷണം ആരംഭിച്ചു. മൃതദേഹം പോസ്റ്റ്മാർട്ടം നടപടികൾക്ക് ശേഷം ഇന്നലെ വൈകിട്ട് മൂന്നോടെ എ.ആർ ക്യാമ്പിൽ പൊതുദർശനത്തിന് വെച്ചു. സംസ്കാരം ഇന്ന് രാവിലെ 9ന് ആലപ്പുഴ വെള്ളാപ്പള്ളി പള്ളി സെമിത്തേരിയിൽ. ഭാര്യ: ഡാലി. മക്കൾ: ആരൻ, ആൽറിൻ. മാതാവ്: ആഗ്നസ്