ആലപ്പുഴ : എസ്.എൻ.ഡി.പി യോഗം വാടയ്ക്കൽ പടിഞ്ഞാറ് 3676ാം നമ്പർ ശാഖയിൽ ശ്രീനാരായണ മരണാനന്തര സഹായനിധിയുടെ ഉദ്ഘാടനം അമ്പലപ്പുഴ യൂണിയൻ പ്രസിഡന്റ് പി.ഹരിദാസ് നിർവഹിച്ചു. യൂണിയൻ സെക്രട്ടറി കെ.എൻ.പ്രേമാനന്ദൻ പാസ് ബുക്ക് വിതരണം ഉദ്ഘാടനം ചെയ്തു. വൈസ് പ്രസിഡന്റ് ബി.രഘുനാഥ് മുഖ്യപ്രഭാഷണം നടത്തി. ശാഖ പ്രസിഡന്റ് പി.ധർമ്മരാജൻ അദ്ധ്യക്ഷത വഹിച്ചു. സഹായനിധി കോ ഓർഡിനേറ്റർ പി.അജിത്ത്,സെക്രട്ടറി പി.കെ.സോമൻ,മാനേജിംഗ് കമ്മിറ്റി അംഗം സൂര്യ ബൈജു,വനിതാസംഘം സെക്രട്ടറി സ്മിത ബൈജു,പി.ബി.രാജു എന്നിവർ സംസാരിച്ചു. ശാഖ സെക്രട്ടറി പി.കെ.അജികുമാർ സ്വാഗതവും ശാഖ വൈസ് പ്രസിഡന്റ് കെ.എസ്.രാജീവൻ നന്ദിയും പറഞ്ഞു.