ഹരിപ്പാട്: എസ്.എൻ.ഡി.പി.യോഗം കരുവാറ്റ വടക്ക് 2975-ാം നമ്പർ ശാഖയിലെ ഭക്ഷ്യ കിറ്റ് വിതരണത്തിന്റെ 12-ാംമത് ഘട്ടവും ഗുരു ചൈതന്യം പദ്ധതിയുടെ രണ്ടാം ഘട്ട സമാപന സമ്മേളനവും കരുവാറ്റ ഗ്രാമപഞ്ചായത്ത് പ്രസിഡന്റ് എസ്. സുരേഷ് ഉദ്ഘാടനം ചെയ്തു. ശാഖാ പ്രസിഡന്റ് എ.സുനിൽകുമാർ അദ്ധ്യക്ഷനായി. മേഖലാ കൺവീനറും ശ്രീനാരായണ എംപ്ലോയീസ് ഫോറം കേന്ദ്രസമിതി ജോ.യിന്റ് സെക്രട്ടറിയും കൂടിയായ യൂണിയൻ കൗൺസിലർ ദിനു വാലുപറമ്പിൽ മുഖ്യ പ്രഭാഷണം നടത്തി. വനിതാ സംഘം കാർത്തികപ്പള്ളി യൂണിയൻ സെക്രട്ടറി ലേഖമനോജ്, ശാഖാ മാനേജിംഗ് കമ്മിറ്റി അംഗങ്ങളായ ദേവദത്തൻ, സാംബശിവൻ, പി.രമേശൻ, ശിവജി, വനിതാ സംഘം യൂണിറ്റ് പ്രസിഡന്റ് സുലോചന സുകുമാരൻ എന്നിവർ സംസാരിച്ചു. ശാഖാ സെക്രട്ടറി കെ.സുകുമാരൻ സ്വാഗതവും വൈസ് പ്രസിഡന്റ് പി.വി.രമണൻ നന്ദിയും പറഞ്ഞു.