ചേർത്തല:കഞ്ഞിക്കുഴിയിലെ കുടുംബശ്രീകൾക്ക് പിന്നാക്ക വിഭാഗ വികസന കോർപറേഷൻ അനുവദിച്ച 2.33 കോടി രൂപയുടെ വായ്പാ വിതരണം ജില്ലാ പഞ്ചായത്ത് മുൻ പ്രസിഡന്റ് ആർ.നാസർ നിർവഹിച്ചു. 54 കുടുംബശ്രീ യൂണി​റ്റുകൾക്കാണ് നാലു ശതമാനം പലിശ നിരക്കിൽ ഈടൊന്നുമില്ലാതെ തുക അനുവദിച്ചത്.പഞ്ചായത്ത് ഓഡി​റ്റോറിയത്തിൽ നടന്ന
വായ്പാ വിതരണ ചടങ്ങിൽ ചെയർമാൻ അഡ്വ.കെ.പ്രസാദ് അദ്ധ്യക്ഷത വഹിച്ചു. വൈസ് പ്രസിഡന്റ് അഡ്വ.എം.സന്തോഷ് കുമാർ,സ്ഥിരം സമിതി അദ്ധ്യക്ഷൻമാരായ ബൈരഞ്ചിത്ത്,ജ്യോതിമോൾ,കെ.കമലമ്മ,ബ്ലോക്ക് പഞ്ചായത്തംഗം പി.എസ്.ശ്രീലത,മാനേജർ സജിത,സെക്രട്ടറി പി.ഗീതാകുമാരി,അസിസ്​റ്റന്റ് സെക്രട്ടറി കെ.എസ്. ഗോപാലകൃഷ്ണൻ എന്നിവർ സംസാരിച്ചു.ഗ്രാമപഞ്ചായത്ത് പ്രസിഡന്റ് ഗീതാ കാർത്തികേയൻ സ്വാഗതവും സി.ഡി.എസ് ചെയർപേഴ്സൻ സുനിതാ സുനിൽ നന്ദിയും പറഞ്ഞു