തുറവൂർ : പറയകാട് നാലുകുളങ്ങര ദേവസ്വത്തിന്റെ നേതൃത്വത്തിൽ നാളെ വൈകിട്ട് 4 ന് ക്ഷേത്ര മൈതാനത്ത് ശിവഗിരി തീർത്ഥാടന നവതി ആഘോഷം നടത്തും. വൈകിട്ട് 3 ന് ചാവടി ഗുരുമന്ദിരത്തിൽ നിന്ന് സ്വാമി അസ്പർശാനന്ദയുടെ നേതൃത്വത്തിൽ തീർത്ഥാടന വിളംബര പദയാത്ര ആരംഭിച്ച് നാലുകുളങ്ങര ഗുരുദേവ സന്നിധിയിൽ സമാപിക്കും. തുടർന്ന് ചേരുന്ന നവതി സമ്മേളനം സ്വാമി അസ്പർശാനന്ദ ഉദ്ഘാടനം ചെയ്യും. ദേവസ്വം പ്രസിഡന്റ് തീരുമല വാസുദേവൻ അദ്ധ്യക്ഷനാകും. പി.ടി.തങ്കച്ചൻ , ആർ.ബിജു, പി. ഉദയൻ , കെ.ജി. കുഞ്ഞിക്കുട്ടൻ, വി. മോഹനൻ , സി. സുരേഷ്, വാരണം ടി.ആർ.സിജി ശാന്തി എന്നിവർ സംസാരിക്കും. ദേവസ്വം വൈസ് പ്രസിഡൻറ് കെ.കെ. സജീവൻ സ്വാഗതവും സെക്രട്ടറി എൻ.പി. പ്രകാശൻ നന്ദിയും പറയും.