മുഹമ്മ : മദ്യലഹരിയിലുണ്ടായ തർക്കത്തെ തുടർന്ന് സഹോദരന്റെ മകന്റെ കുത്തേറ്റ് മിനിവാൻ ഡ്രൈവർ മരിച്ചു. മണ്ണഞ്ചേരി പഞ്ചായത്ത് 10 ാം വാർഡ് ബ്യൂട്ടിവെളിക്കു സമീപം വിരുശ്ശേരി വെളിയിൽ അജയൻ (46) ആണ് മരിച്ചത്. സംഭവത്തി​നു ശേഷം അജയന്റെ സഹോദരന്റെ മകൻ ശ്രീകാന്ത് (22) ഒളിവിൽപ്പോയി​. ഇരുവരും അയൽവാസികളുമാണ്.

ഇന്നലെ രാത്രി എട്ടോടെയായിരുന്നു സംഭവം. പൊലീസ് പറയുന്നത് : റോഡുമുക്ക് ജംഗ്ഷനിലെ മിനിവാൻ ഡ്രൈവറായ അജയനും ശ്രീകാന്തുമായി തർക്കം പതിവായിരുന്നു. ഇന്നലെ മദ്യലഹരിയിലായിരുന്ന അജയനും ശ്രീകാന്തുമായി വീടി​നടുത്തു വച്ച് തർക്കമുണ്ടായി​. തുടർന്ന് വീടിനുള്ളിൽ നി​ന്ന് കത്തിയെടുത്ത് ശ്രീകാന്ത് അജയന്റെ കഴുത്തിൽ കുത്തുകയായി​രുന്നു​. ആഴത്തിൽ മുറവേറ്റ അജയനെ ഉടൻ ആലപ്പുഴ ജനറൽ ആശുപത്രിയിൽ എത്തിച്ചെങ്കിലും രക്ഷി​ക്കാനായി​ല്ല.

അടിപിടി കേസുകളിൽ പ്രതിയാണ് ശ്രീകാന്ത്. അജയന്റെ മൃതദേഹം മെഡിക്കൽ കോളജ് ആശുപത്രി മോർച്ചറിയിൽ. പോസ്റ്റുമോർട്ടത്തി​നുശേഷം ഇന്ന് സംസ്കരി​ക്കും. ഭാര്യ :രമ്യ. മകൾ :ഭാമ (ഏഴാം ക്ലാസ് വിദ്യാർഥിനി ).