ചാരുംമൂട്. ജൂനിയർ ഹെൽത്ത് ഇൻസ്പക്ടറെ ട്രെയിൻ തട്ടി മരിച്ച നിലയിൽ കണ്ടെത്തി. നൂറനാട് ഉളവക്കാട് സാവരിയ വീട്ടിൽ ബി​നോജിനെയാണ് (45) കായംകുളം മുക്കട ലെവൽ ക്രോസിന് സമീപം മരിച്ച നിലയിൽ കണ്ടെത്തിയത്. തഴക്കര ഇറവങ്കര പി.എച്ച് സിയിലെ ജൂനിയർ ഹെൽത്ത് ഇൻസ്പെക്ടറായിരുന്നു. സംഭവസ്ഥലത്ത് നിന്ന് ലഭിച്ച തിരിച്ചറിയൽ കാർഡിൽ നിന്നാണ് പൊലീസ് ആളെ തിരിച്ചറിഞ്ഞത്. കായംകുളം പൊലീസ് മേൽ നടപടി സ്വീകരിച്ചു. സംസ്‍കാരം ഇന്ന് രാവിലെ 10ന് ഉളവക്കാട്ടെ വീട്ടുവളപ്പിൽ. ഭാര്യ: അമ്പിളി. മക്കൾ : വിദ്യാർത്ഥികളായ ദിയ, നിവേദ്. അച്ഛൻ : പരേതനായ സുകുമാരൻ. അമ്മ : സീതാലക്ഷ്മി . സഹോദരൻ :അശോകൻ (ദേവസൂര്യ സ്റ്റുഡിയോ കരിമുളയ്ക്കൽ ).