ചേർത്തല : മുൻ മുഖ്യമന്ത്റി കെ.കരുണാകരന്റെ 12ാ മത് ചരമവാർഷികദിനം വയലാർ ബ്ലോക്കിലെ വിവിധ മണ്ഡലം,ബൂത്തു കമ്മറ്റികളുടെ നേതൃത്വത്തിൽ ആചരിച്ചു.
വയലാർ ബ്ലോക്ക് കോൺഗ്രസ് കമ്മറ്റി ആസ്ഥാനത്ത് നടന്ന അനുസ്മരണ പരിപാടി ബ്ലോക്ക് കോൺഗ്രസ് പ്രസിഡന്റ് അഡ്വ.വി.എൻ.അജയൻ ഉദ്ഘാടനം ചെയ്തു.മണ്ഡലം പ്രസിഡന്റ് എ.കെ. ഷെരീഫ് അദ്ധ്യക്ഷത വഹിച്ചു. ഡി.സി.സി ജനറൽ സെക്രട്ടറി മധു വാവക്കാട്,ബ്ലോക്ക് ഭാരവാഹികളായ ടി.എസ്.ബാഹുലേയൻ,എ.പി.ലാലൻ,വെസ്റ്റ് മണ്ഡലം പ്രസിഡന്റ് ജെയിംസ് തുരുത്തേൽ, മണ്ഡലം ഭാരവാഹികളായ അമ്പി ആലപ്പാട്ട്, പി.വിനോദ്, പി.ബി.പ്രസന്നൻ,ബേബി വള്ളപ്പുരക്കൽ എന്നിവർ പങ്കെടുത്തു.
ചേർത്തല ബ്ലോക്ക് കോൺഗ്രസ് കമ്മറ്റിയുടെ ആഭിമുഖ്യത്തിൽ നടത്തിയ അനുസ്മരണം ബ്ലോക്ക് പ്രസിഡന്റ് പി.ഉണ്ണിക്കൃഷ്ണൻ അദ്ധ്യക്ഷത വഹിച്ചു.അനുസ്മരണ സമ്മേളനം യു.ഡി.എഫ് ജില്ല ചെയർമാൻ സി.കെ.ഷാജിമോഹൻ ഉദ്ഘാടനം ചെയ്തു. ഐസക് മാടവന,ആർ.ശശിധരൻ,സി.ഡി.ശങ്കർ,സി.വി.തോമസ്,സജി കുര്യാക്കോസ്,ബി.ഭാസി,ദേവരാജൻ പിള്ള,ബി.ഫൈസൽ,ബാബു മുള്ളൻ ചിറ,കെ.സി.ജയറാം,രഘുനാഥ പണിക്കർ,അബ്ദുൾ ബഷീർ, സുരേഷ് ബാബു,ഷാജഹാൻ എന്നിവർ സംസാരിച്ചു.