ചേർത്തല : വാരനാട് ദേവിക്ഷേത്രത്തിലെ വലിയകളം പൂജയും വലിയ കുരുതിയും 27ന് നടത്തും. വർഷത്തിൽ ഒരിക്കൽ മാത്രമാണ് ശ്രീകോവിലിന് മുൻവശത്തെ മുഖമണ്ഡപം നിറഞ്ഞു നിൽക്കുന്ന വലിയകളം എഴുതുന്നത്. ദാരുക വധത്തിനു ശേഷം ഉഗ്രരൂപിണിയായി നിൽക്കുന്ന വാരനാട്ടമ്മയുടെ രൂപമാണ് വലിയകളത്തിൽ വരയ്ക്കുന്നത്. ചൊവ്വാഴ്ച രാവിലെ 6ന് വലിയകളത്തിലേക്ക് ദേവിയുടെ എതിരേൽപ്പ്,6.15 ന് കളംപാട്ട്,പകൽ 12 ന് വലിയകളം പൂജയും കളംപാട്ടും, രാത്രി 12ന് വലിയ ഗുരുതി എന്നിവ നടത്തും. തുടർന്നുള്ള ഏഴ് ദിവസങ്ങളിൽ സൂര്യോദയത്തിന് ശേഷം നട തുറക്കുകയും സൂര്യാസ്തമനത്തോടെ നട അടക്കുകയും ചെയ്യും.