ആലപ്പുഴ: കേരളത്തിലെ മുഴുവൻ ഗ്രന്ഥശാലകളെയും കൂട്ടിയിണക്കി സംസ്ഥാന ലൈബ്രറി കൗൺസിൽ സെക്രട്ടറി വി.കെ.മധു നയിക്കുന്ന ജനചേതനയാത്ര ഇന്ന് ഉച്ചയ്ക്ക് രണ്ടിന് ആലപ്പുഴയിലെത്തും. 'അന്ധവിശ്വാസ കൂരിരുൾ മാറ്റാൻ -ശാസ്ത്ര വിചാരപുലരി പിറക്കാൻ' എന്ന മുദ്രാവാക്യം ഉയർത്തിയാണ് യാത്ര. കൊമ്മാടി യുവജന വായനശാലയിൽ നടക്കുന്ന താലൂക്ക് തല സ്വീകരണ യോഗം പി.പി.ചിത്തരഞ്ജൻ എം.എൽ.എ.ഉദ്ഘാടനം ചെയ്യും. എച്ച്.സലാം എം.എൽ.എ അദ്ധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് കെ.ജി.രാജേശ്വരി, മുനിസിപ്പൽ ചെയർപേഴ്‌സൺ സൗമ്യരാജ്, കെ.എസ്.ഡി.പി ചെയർമാൻ സി.ബി.ചന്ദ്രബാബു, വൈസ് ചെയർമാൻ പി.എസ്.എം.ഹുസൈൻ, സ്റ്റേറ്റ് എക്സിക്യൂട്ടീവ് അംഗം ജി.കൃഷ്ണകുമാർ, നെടുമുടി ഹരികുമാർ, ജില്ല ലൈബ്രറി കൗസിൽ പ്രസിഡന്റ് അലിയാർ.എം. മാക്കിയിൽ, സെക്രട്ടറി ടി. തിലകരാജ്, ദീപ്തി അജയകുമാർ, അജയ് സുധീന്ദ്രൻ, കെ.കെ.സുലൈമാൻ, ഹരീന്ദ്രനാഥ് തായങ്കരി, സി.കെ.രതികുമാർ, എസ്.ആർ.അയ്യപ്പപ്രസാദ്, കെ.ജി.മോഹൻപിള്ള, അമ്പലപ്പുഴ താലൂക്ക് ലൈബ്രറി കൗസിൽ സെക്രട്ടറി കെ.വി.ഉത്തമൻ, വി.ബി.അശോകൻ എന്നിവർ സംസാരിക്കും.