ചാരുംമൂട്: കെ-പി റോഡിൽ നൂറനാട് ഐ.ടി.ബി.പി ജംഗ്ഷനു സമീപം ആക്ടി​വ സ്കൂട്ടറും കാറും കൂട്ടി​യി​ടി​ച്ച് ഗൃഹനാഥൻ മരി​ച്ചു. ഒപ്പമുണ്ടായി​രുന്ന ഭാര്യയെ ഗുരുതര പരി​ക്കുകളോടെ ആലപ്പുഴ മെഡി​. ആശുപത്രി​യി​ൽ പ്രവേശി​പ്പി​ച്ചു.

താമരക്കുളം കിഴക്ക് മുറി മണ്ണമ്പള്ളി സോമൻ പിള്ള (70)യാണ് മരി​ച്ചത്. ഭാര്യ ഉഷാദേവി തീവ്ര പരി​ചരണ വി​ഭാഗത്തി​ൽ ചി​കി​ത്സയി​ലാണ്. ഇന്നലെ ഉച്ചയ്ക്ക് 2.45 നാണു സംഭവം. തത്തംമുന്ന വടശ്ശേരി ക്ഷേത്ര ദർശനം കഴിഞ്ഞ് വീട്ടിലേക്കുള്ള യാത്രയ്ക്കി​ടെയായി​രുന്നു അപകടം. ഇവർ സഞ്ചരിച്ചിരുന്ന ആക്ടീവ സ്കൂട്ടറും അടൂർ ഭാഗത്തു നിന്നു കറ്റാനത്തേക്കു പോയ കാറുമാണ് ഇടിച്ചത്. പ്രദേശവാസികൾ ഇരുവരെയും സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും സോമൻ പിള്ളയുടെ ജീവൻ രക്ഷിക്കാനായി​ല്ല. താമരക്കുളത്തെ അറിയപ്പെടുന്ന കർഷകനാണ് ഇദ്ദേഹം. കൊട്ടാരക്കര എഴുകോൺ സ്വദേശിയുടെ കാറാണ് ഇടിച്ചത്. കാർ നൂറനാട് പൊലീസ് കസ്റ്റഡിയിലെടുത്തു. ഇന്നു കായംകുളം താലൂക്ക് ആശുപത്രിയിൽ പോസ്റ്റ്മോർട്ടത്തിനു ശേഷം മൃതദേഹം വിട്ടു നൽകും. മക്കൾ: ശ്രീലക്ഷ്മി, ഹരികൃഷ്ണൻ.