മാവേലിക്കര: ചെറുകോൽ ധർമ്മശാസ്ത​ സുബ്രഹ്മണ്യ സ്വാമി ക്ഷേത്രത്തിനു വേണ്ടി സനാതന ധർമ്മസേവ സംഘം അണിയിച്ചൊരുക്കിയ ഭക്തിഗാന സമാഹാരമായ ശങ്കര നന്ദനം പ്രകാശനം ചെയ്തു. ചടങ്ങിന്റെ ഉദ്ഘാടനവും സി.ഡി പ്രകാശനവും ഗാനരചയി​താവ് വയലാർ ശരത് ചന്ദ്രവർമ്മ നിർവ്വഹിച്ചു. ചെറുതല മഠം വിഷ്ണു നമ്പൂതിരി അദ്ധ്യക്ഷനായി. ശബരിമല മുൻമേൽശാന്തി വിഷ്ണു നമ്പൂതിരി, മാളികപ്പുറം മുൻ മേൽശാന്തി കേശവൻ നമ്പൂതിരി എന്നിവർ ചേർന്ന് ദൃശ്യാവിഷ്​കാര കർമ്മം നിർവ്വഹിച്ചു. ആലപ്പുഴ ക്രൈംബ്രാഞ്ച് ഡിവൈ.എസ്.പി കെ.ബി.പ്രഫുലചന്ദ്രൻ ആദ്യ സി.ഡി ഏറ്റുവാങ്ങി. ചടങ്ങിൽ സനാതന ധർമ്മ പുരസ്​കാരം നൽകി സജിത്ത് കാരാഴ്മയേയും അക്ഷരശ്രീ പുരസ്​കാരം നൽകി ശ്രീലത, ശ്രീജിത്ത് അച്യുതൻ നായർ, കമലാക്ഷക്കുറുപ്പ് എന്നി​വരെയും ആദരിച്ചു. ദേവസ്വം അസിസ്റ്റന്റ് കമ്മി​ഷണർ ദിലീപ് കുമാർ, സബ് ഗ്രൂപ്പ് ഓഫീസർ ജയപ്രകാശ്, മേൽശാന്തിമാരായ കൃഷ്ണപ്രമോദ് നമ്പൂതിരി, അഖിൽ പരമേശ്വരൻ നമ്പൂതിരി, വാർഡ് മെമ്പർമാരായ ഗോപൻ ചെന്നിത്തല, ഷിബു കിളിമൺതറ, ബിനി സുനിൽ, കീർത്തി ബിപിൻ, ബിന്ദു പ്രദീപ്, പ്രദീപ് തിരുമേനി, ശ്രീലത, പി.ബി.സൂരജ്, ബിനു ബാലൻ, ശ്രീകുമാർ എന്നിവർ സംസാരിച്ചു.