ചേർത്തല: കെ.പി.സി.സി. വിചാർ വിഭാഗ് ചേർത്തല നിയോജകമണ്ഡലം പ്രവർത്തക കൺവെൻഷൻ ജില്ലാ പ്രസിഡന്റ് അഡ്വ.സഞ്ജീവ് അമ്പലപ്പാട്ട് ഉദ്ഘാടനം ചെയ്തു. സി.എൻ.ഔസേഫ് അദ്ധ്യക്ഷത വഹിച്ചു. ജില്ലാ സെക്രട്ടറി പ്രൊഫ.തോമസ് വി.പുളിക്കൻ മുഖ്യപ്രഭാഷണം നടത്തി. കോൺഗ്രസ് ഈസ്റ്റ് മണ്ഡലം പ്രസിഡന്റ് ദേവരാജൻ പിള്ള, അഡ്വ.രാജീവ് കോയിക്കൽ, രാധാകൃഷ്ണൻ ചക്കരക്കുളം, എൻ.പി. വിമൽ, ഹരിലാൽ കണ്ടനാട്ട്, സനദൻ, ടി. പുരുഷോത്തമൻ, ബാബു പണ്ടാരത്തിൽ, വിജയചന്ദ്രൻ, ജയാമണി എന്നിവർ സംസാരിച്ചു.