മാവേലിക്കര: മാവേലിക്കര നഗരസഭ വൈസ് ചെയർമാനും ജീവകാരുണ്യ, സാമൂഹിക പ്രവർത്തകനുമായിരുന്ന ജി.സണ്ണിയുടെ സ്മരണാർത്ഥം ജി.സണ്ണി സ്മാരക ഫൗണ്ടേഷൻ ഏർപ്പെടുത്തിയ മികച്ച ജനപ്രതിനിധിക്കുള്ള പുരസ്​കാരം മാവേലിക്കര നഗരസഭ ചെയർമാൻ കെ.വി.ശ്രീകുമാറിന് സമ്മാനിക്കുമെന്നു അവാർഡ് കമ്മറ്റി ചെയർമാൻ ജോർജ് തഴക്കര അറിയിച്ചു. 10,001 രൂപയും ഫലകവും ആണ് പുരസ്​കാരം. പുരസ്​കാര സമർപ്പണം ഇന്ന് വൈകിട്ട് 6ന് കല്ലിമേൽ സെന്റ്‌മേരിസ് ദയാഭവനിൽ നടക്കും. ഗാന്ധിയൻ ഗംഗാധര പണിക്കർ സമ്മേളനം ഉദ്ഘാടനം ചെയ്യും. അവാർഡ് കമ്മിറ്റി ചെയർമാൻ ജോർജ് തഴക്കര അദ്ധ്യക്ഷനാവും. ഫാ.പി.കെ.വർഗീസ് സന്ദേശം നൽകുമെന്ന് ഫൗണ്ടേഷൻ സെക്രട്ടറി ബിനു തങ്കച്ചൻ അറിയിച്ചു.