പെരുമ്പാവൂർ: പ്രമുഖ പരിസ്ഥിതി പ്രവർത്തകൻ പ്രൊഫ. സീതാരാമന്റെ സ്മരണയ്ക്ക് മനുഷ്യാവകാശ പരിസ്ഥിതി സംഘടനയായ മാനവദീപ്തി ഏർപ്പെടുത്തിയിട്ടുള്ള പരിസ്ഥിതി അവാർഡ് തേവയ്ക്കൽ വിദ്യോദയ സ്‌കൂളിന്. ജില്ലയിൽ മികച്ച പരിസ്ഥിതി സംരക്ഷണ പ്രവർത്തനങ്ങൾ സംഘടിപ്പിക്കുന്ന വിദ്യാലയത്തിനാണ് പുരസ്‌കാരം ഏർപ്പെടുത്തിയിട്ടുള്ളത്. പരിസ്ഥിതി പ്രവർത്തകൻ ഡോ. സി.എം. ജോയ് ചെയർമാനായ സമിതിയാണ് അവാർഡ് നിർണയിച്ചത്. 10001 രൂപയും പ്രശസ്തി പത്രവുമടങ്ങുന്ന പുരസ്‌കാരം പ്രൊഫ. സീതാരാമന്റെ ചരമവാർഷികദിനമായ 9ന് സംഘടിപ്പിക്കുന്ന അനുസ്മരണ സമ്മേളനത്തിൽ സമ്മാനിക്കുമെന്ന് മാനവദീപ്തി പ്രസിഡന്റ് വർഗീസ് പുല്ലുവഴി അറിയിച്ചു.