തൃക്കാക്കര: ക്രിസ്മസ് - ന്യൂ ഇയർ ആഘോഷത്തിന് മുന്നോടി​യായ കേക്ക് വിപണി സജീവമായി. അവശ്യ സാധനങ്ങളുടെ വില ഉയർന്നത് കേക്കിന്റെ വിലയെയും ബാധിച്ചു. മുൻകാലങ്ങളിൽ ഒരുകിലോ അരക്കിലോ തൂക്കത്തി​ലായി​രുന്നു കേക്കുകൾ. പിന്നീട് 950, 450 ഗ്രാമുകളിലായി​. ഇപ്പോൾ 900, 400 ഗ്രാമുകളിലായി​ വീണ്ടും കുറഞ്ഞു. തൂക്കം കുറയുമ്പോഴും വി​ല കൂടി​ക്കൊണ്ടേയി​രുന്നു.

കേക്കിന് പുറത്ത് തൂക്കം രേഖപ്പെടുത്തിയിട്ടുണ്ടെങ്കിലും മിക്കവരും അത് ശ്രദ്ധി​ക്കാറി​ല്ല. ഏറെ പ്രിയം പ്ലം കേക്കിന് തന്നെ. തൊട്ടുപിന്നിൽ മാർബിൾ കേക്കും. പിന്നീട് വാനില, ചോക്ലേറ്റ്, സ്‌ട്രോബറി, പൈനാപ്പിൾ , കാരറ്റ് എന്നി​വയാണ്. പുതിയ രുചികളിൽ പ്രത്യേക രൂപങ്ങളിലാണിവയെല്ലാം. സ്‌പെഷ്യൽ പ്ലം, റിച്ച് പ്ലം, റോയൽ പ്ലം എന്നിങ്ങനെ വിവിധ കമ്പനി കേക്കുകൾ ചെറുകിട ബേക്കറികളിൽ പോലും എത്തുന്നുണ്ട്. 140 മുതൽ 400 രൂപ വരെയാണ് ഇവയുടെ വില. നാടൻ ബോർമ കേക്കുകൾക്കും ഡി​മാൻഡുണ്ട്.