ചോറ്റാനിക്കര: എസ്.എൻ.ഡി.പി യോഗം ഇടയ്ക്കാട്ടുവയൽ ശാഖയുടെ വിശേഷാൽ പൊതുയോഗത്തിൽ തലയോലപ്പറമ്പ് യൂണിയൻ സെക്രട്ടറി എസ്.ഡി.സുരേഷ് ബാബു അദ്ധ്യക്ഷത വഹിച്ചു. ശാഖാ വൈസ് പ്രസിഡന്റ്‌ പി.എം. സോമൻ സ്വാഗതം ആശംസിച്ചു. യൂണിയൻ പ്രസിഡന്റ്‌ ഇ.ഡി. പ്രകാശൻ ഉദ്ഘാടനം ചെയ്തു.ശാഖാ സെക്രട്ടറി ഗിരിജകമൽ റിപ്പോർട്ട്‌ അവതരിപ്പിച്ചു. അഞ്ച് ദിവസങ്ങളിലായി സാംസ്‌കാരിക സമ്മേളനം, ഘോഷയാത്ര, അന്നദാനം എന്നിവയോടെ ഉത്സവാഘോഷം നടത്താൻ തീരുമാനിച്ചു. സമാപന ദിനത്തിൽ സ്വാമി സച്ചിദാനന്ദയുടെ നേതൃത്വത്തിൽ കലശാഭിഷേകം നടക്കും. പ്രകാശ് പി. നാരായണൻ, ജയൻ പി. നാരായണൻ, ഹരി കൊറ്റംകുളത്തിൽ, എം.ടി.സന്തോഷ്‌, പ്രശോബ്‌ വിശ്വനാഥൻ, സലില കൃഷ്ണൻകുട്ടി, ഉഷാ മോഹനൻ, ഓമന വിജയൻ, കുഞ്ഞുമോൾ സന്തോഷ്‌, ഷൈല രമണൻ, സനന്തു സന്തോഷ്‌, അക്ഷയ് സാബു, ബിജു കാരിതടത്തിൽ എന്നിവർ സംസാരിച്ചു.