പള്ളുരുത്തി: സ്പെഷ്യലിസ്റ്റ് ആശുപത്രിയുടെ സഹകരണത്തോടെ, പള്ളുരുത്തയിലെ സാമൂഹിക പ്രവർത്തകർ രൂപം കൊടുത്ത ദയ പാലിയേറ്റിവ് കെയറിന്റെ പ്രവർത്തനത്തിന് തുടക്കം. ഫാ. സിജു ജോസഫ് ഫ്ലാഗ് ഓഫ് ചെയ്തു. ചടങ്ങിൽ പി. പി.ജേക്കബ് അദ്ധ്യക്ഷത വഹിച്ചു. ഡോ. ഷേഷിൻമറിയം, അഭിലാഷ് മോഹൻ, എ. ജെ.ജെയിംസ്, തമ്പി സുബ്രഹ്മണ്യം, ബേസിൽ മൈലന്തറ, യു. ബി. ഷാജി, ആമീൻ, കുട്ടൻ പാട്ടത്തിൽ എന്നിവർ സംബന്ധിച്ചു. കിടപ്പുരോഗികൾക്കായി ഭവന സന്ദർശന പദ്ധതിക്ക് രൂപം കൊടുത്തു. ഒരു ഡോക്ടറും നഴ്സും അടങ്ങുന്ന വാഹനം ആഴ്ചയിൽ രണ്ടുദിവസം കിടപ്പു രോഗികളുടെ ഭവനം സന്ദർശിച്ചു രോഗവിവരം രേഖപ്പെടുത്തി മരുന്നുകൾ നൽകും. പള്ളുരുത്തി മേഖലയിലെ കിടപ്പു രോഗികൾക്ക് നാളെ മുതൽ ഡോക്ടറുടെ സേവനം സൗജന്യമായി ലഭിക്കും. 9446355428. 9605983434.