കിഴക്കമ്പലം: കുന്നത്തുനാട് നിയോജകമണ്ഡലത്തിലെ അഭ്യസ്ഥവിദ്യരായ 40 വയസിൽ താഴെയുള്ള വനിതകൾക്കായി എം.എൽ.എയുടെ നേതൃത്വത്തിൽ തൊഴിൽ നൈപുണ്യ പരിശീലന പദ്ധതി 'ടെക്ക് ശക്തി' രണ്ടാംഘട്ടം തുടങ്ങുന്നു. ഒന്നാംഘട്ടത്തിന്റെ ക്ലാസുകൾ അവസാനിക്കുന്ന മുറയ്ക്ക് രണ്ടാംഘട്ട ക്ലാസുകൾ ആരംഭിക്കും.

എം.എൽ.എയുടെ സമഗ്ര വിദ്യാഭ്യാസ പദ്ധതിയായ വിദ്യാജ്യോതിയുടെ ഭാഗമായി വരിക്കോലി മുത്തൂ​റ്റ് എൻജിനിയറിംഗ് കോളേജും ഈസ്​റ്റേൺ ഗ്രൂപ്പുമായി സഹകരിച്ചാണ് നടപ്പാക്കുന്നത്. ഡിഗ്രി, ഡിപ്ലോമ യോഗ്യതയുള്ള സ്ത്രീകൾക്കാണ് പദ്ധതിയുടെ പ്രയോജനം ലഭിക്കുന്നത്.

ആർട്ടിഫിഷ്യൽ ഇന്റലിജൻസിലും ഡാ​റ്റാ സയൻസിലും ബേസിക് പൈത്തൺ പ്രോഗ്രാമിലും സാങ്കേതിക പരിജ്ഞാനം കൊടുക്കുകയും അതുവഴി പ്രോഗ്രാമിങ്ങ്, ഡാ​റ്റ സയൻസ്, ആർട്ടിഫിഷ്യൽ ഇന്റലിജൻസ് തുടങ്ങിയ നൂതന തൊഴിൽമേഖലയിലേക്ക് ഇവരെ പ്രവേശിപ്പിക്കുകയും ചെയ്യുകയാണ് ലക്ഷ്യം.

ആദ്യം രജിസ്​റ്റർ ചെയ്യുന്ന 50 പേർക്കാണ് രണ്ടാംഘട്ട പരിശീലനം. 3 മാസത്തോളം നീണ്ടുനിൽക്കുന്ന പരിശീലനം പൂർത്തിയാക്കുന്നവർക്ക് നാഷണൽ സ്‌കിൽ ക്വാളിഫിക്കേഷൻ പ്രോഗ്രാം വർക്ക് ലെവൽ 5ന് സമാനമായ സർട്ടിഫിക്ക​റ്റ് ലഭിക്കും. രണ്ടാംഘട്ടം വിജയകരമായി പൂർത്തിയാക്കുന്നവർക്ക് അഡ്വാൻസ്ഡ് ലെവൽ പരിശീലനവും ലക്ഷ്യമിടുന്നുണ്ട്. കോളേജിലെ കമ്പ്യൂട്ടർ സയൻസ് വിഭാഗത്തിലെ പ്രഗത്ഭരുടെ നേതൃത്വത്തിലാണ് പരിശീലനവും ക്ലാസും നടക്കുന്നത്. എം.എൽ.എ യുടെ ഫേസ് ബുക്ക് പേജിൽ ലഭ്യമാകുന്ന ഗൂഗിൾ ഫോമിൽ രജിസ്​റ്റർ ചെയ്യാവുന്നതാണ്. അന്വേഷണങ്ങൾക്ക് 0484 - 2998788