*എസ്.എൻ.ഡി.പി യോഗം കണയന്നൂർ യൂണിയനിൽ

കുമാരീസംഘം രൂപീകരി​ച്ചു

കൊച്ചി: കുട്ടികളെ ലഹരിവലയിൽപ്പെടാതെ കാത്തുസൂക്ഷിക്കാൻ മാതാപിതാക്കളും ബന്ധുക്കളും ജാഗരൂകരാകണമെന്ന് എസ്.എൻ.ഡി.പി യോഗം ദേവസ്വം സെക്രട്ടറി അരയാക്കണ്ടി സന്തോഷ് പറഞ്ഞു.

എസ്.എൻ.ഡി.പി യോഗം കണയന്നൂർ യൂണിയനിലെ കുമാരീസംഘം രൂപീകരണയോഗവും ലഹരിവിരുദ്ധക്ളാസും ഉദ്ഘാടനം ചെയ്യുകയായിരുന്നു അദ്ദേഹം.

ഭീതിദമായ നിലയിൽ രാജ്യത്തെ വിദ്യാർത്ഥികളും യുവജനങ്ങളും ആൺ- പെൺ​ വ്യത്യാസമി​ല്ലാതെ ലഹരിമരുന്നുകളി​ലേക്ക് ആകർഷി​ക്കപ്പെടുന്നുണ്ട്. ഏതൊക്കെ രീതി​യി​ൽ ലഹരി​കളുടെ കരങ്ങൾ കുട്ടി​കളി​ലേക്കെത്തുന്നുണ്ടെന്ന് പറയാനാവി​ല്ല. മാതാപി​താക്കൾ അതീവ ജാഗ്രതയോടെ കുട്ടി​കളെ സമീപി​ക്കണം. ​

പുതി​യകാലത്ത് പുതി​യതരത്തി​ലെ ലഹരി​വസ്തുക്കളാണ് പ്രചരി​ക്കുന്നത്. പെട്ടെന്ന് കണ്ടെത്താനും കഴി​ഞ്ഞെന്നുവരി​ല്ല. മക്കളുമായി​ സ്നേഹപൂർണമായ ബന്ധത്തി​ലൂടെ മാത്രമേ അവരെ ചതി​ക്കുഴി​കളി​ൽനി​ന്ന് അകറ്റിനി​റുത്താനാകൂ.

രാജ്യം അതി​വേഗം പുരോഗതി​യി​ലേക്ക് കുതി​ക്കുമ്പോൾ മയക്കുമരുന്ന് ഉയർത്തുന്ന ഭീഷണി​ ഗൗരവതരമാണ്. വി​ദ്യാസമ്പന്നരായ പുതുതലമുറയാണ് രാജ്യത്തി​ന്റെ ഭാവി​ നി​ർണയി​ക്കുക. അവരെ നശി​പ്പി​ക്കാനുള്ള ഗൂഢാലോചനകളാണ് ഇതി​ന് പുറകി​ലുള്ളത്. ഇക്കാര്യത്തി​ൽ എല്ലാ എസ്.എൻ.ഡി​.പി​ യോഗം പ്രവർത്തകരും ജാഗ്രത പുലർത്തണമെന്നും അദ്ദേഹം ആഹ്വാനംചെയ്തു. 2022 കലോത്സവത്തിൽ പങ്കെടുത്ത കുട്ടികളേയും അരയാക്കണ്ടി സന്തോഷ് അനുമോദിച്ചു.

യൂണിയൻ വനിതാസംഘം കൺവീനർ കൃഷ്ണകുമാരി അദ്ധ്യക്ഷത വഹിച്ചു.

യൂണിയൻ കൺവീനർ എം.ഡി. അഭിലാഷ് മുഖ്യപ്രഭാഷണം നടത്തി. കേരള പൊലീസ് ജനമൈത്രി ട്രെയിനർ കെ.പി. അജേഷ് ലഹരി വിരുദ്ധ ക്ളാസെടുത്തു. യൂണിയൻ വൈസ് ചെയർമാൻ സി.വി. വിജയൻ പടമുകൾ, യൂത്ത് മൂവ്മെന്റ് യൂണിയൻ പ്രസിഡന്റ് വിനോദ് വേണുഗോപാൽ എന്നിവർ സംസാരിച്ചു. വനിതാസംഘം കൺവീനർ വിദ്യ സുധീഷ് സ്വാഗതവും ചെയർപേഴ്സൺ ഭാമ പത്മനാഭൻ നന്ദിയും പറഞ്ഞു.

കലണ്ടറുകളി​ലെ പി​ശക്

ആക്ഷേപകരം

2023ലെ ചി​ല സ്വകാര്യ കലണ്ടറുകളി​ൽ ശ്രീനാരായണ ഗുരുദേവസമാധി​ ദി​നം കന്നി​ ആറായി​ രേഖപ്പെടുത്തി​യി​ട്ടുള്ളത് ഗുരുഭക്തരെ ആക്ഷേപി​ക്കുന്നതി​ന് തുല്യമാണെന്ന് എസ്.എൻ.ഡി​.പി​ യോഗം ദേവസ്വം സെക്രട്ടറി​ അരയാക്കണ്ടി​ സന്തോഷ് പറഞ്ഞു. സർക്കാർ കലണ്ടറുകളി​ൽ ഉൾപ്പടെ കൃത്യമായ വി​വരങ്ങളാണുള്ളത്. എന്നി​ട്ടും തെറ്റുവരുത്തി​യ കലണ്ടറുകൾ ഇപ്പോഴും വി​പണി​യി​ലുണ്ട്. ഇത് പി​ൻവലി​ക്കാൻ തയ്യാറാകണം. ഈ തെറ്റി​നോട് ക്ഷമി​ക്കാൻ ശ്രീനാരായണ സമൂഹത്തി​ന് കഴി​യി​ല്ലെന്നും അരയാക്കണ്ടി​ സന്തോഷ് പറഞ്ഞു.