കൊച്ചി: യൂണിവേഴ്സൽ കോൺഫെഡറേഷൻ ഒഫ് ശ്രീനാരായണ ഗുരു ഓർഗനൈസേഷൻസിന്റെ (എസ്.എൻ.ജി.സി.) ശ്രീനാരായണദർശന ദേശീയ സെമിനാർ ഇന്ന് നടക്കും.

രാവിലെ 9 മണിക്ക് കൊച്ചി അന്താരാഷ്ട്ര പുസ്തകമേള വേദിയിൽ ജസ്റ്റിസ് കെ. സുകുമാരൻ ഉദ്ഘാടനം ചെയ്യും. എസ്.എൻ.ജി.സി പ്രസിഡന്റ് കെ.കെ. ശശിധരൻ അദ്ധ്യക്ഷത വഹിക്കും. ശിവഗിരി ശ്രീനാരായണധർമ്മസംഘം ട്രസ്റ്റ് ജനറൽ സെക്രട്ടറി സ്വാമി ഋതംഭരാനന്ദ അനുഗ്രഹ പ്രഭാഷണം നടത്തും.

ഡോ. സി.ജി. വിജയകുമാർ, ഡോ. മുബാറക് പാഷ, മെഡിമിക്സ് എ.വി.എ ഗ്രൂപ്പ് ഒഫ് കമ്പനീസ് ചെയർമാനും എസ്.എൻ.ജി.സി പ്രേടൻസ് കൗൺസിൽ ചെയർമാനുമായ ഡോ. എ.വി. അനൂപ്, ഡോ. എം.വി. നടേശൻ, പ്രൊഫ. പി.സി. പതഞ്ജലി, ഡോ. പി.കെ. സാബു, ഡോ. ജലജകുമാരി , ജി. രാജേന്ദ്രബാബു എന്നിവർ പങ്കെടുക്കും. ജനറൽ സെക്രട്ടറി അഡ്വ. ടി.എസ്. ഹരീഷ് കുമാർ സ്വാഗതവും വൈസ് പ്രസി​ഡന്റ് പി.ജി. മോഹൻകുമാർ നന്ദി​യും പറയും.